Marik 2:8 - Bible azumeina

⁸ Ata yi máma na wat, Jesus mi we kurum krovo tcha ala azi djib’er kuruzi ni hina, mi dazi ala: Ni kayam me ba, agi nga djib’eregi yam ahle ndazina hina ge?

Marik 2:8 Iomraidhean Croise

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sawal la giled’a 139:2

Ata yima an kaka kä na, ang nga wanu; ata yima an nga ni tchol akulona, ang nga wan mi. Ang nga we djib’er manda ei akulo dei.

Zla d’a d’ogolâ 15:26

Djib’er ra tchod’a ni vama ndjendjed’a ir Ma didina, wani zla d’a de d’a djivid’a ni vama djivina iram mi.

Zla d’a d’ogolâ 24:9

Djib’era hi sama lilid’id’a ni tchod’a, sama las suma ni vama ndjendjed’a ir suma mi.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Ezekiyel 38:10

Salad’a Ma didina mi dala: Kur bur máma ang mba djib’er djib’er ra dinga teteng, ang mba nga hurung á le vama tchona.

Matiye 12:15

Kid’a Jesus mi we hina d’a, mi nde woi ata yi máma. Ablau suma a i ad’umu, mi sud’uzi woi kur tugud’ei mazid’a pet mi.

Matiye 16:7

Mam suma hata a nga de tazi ala: Mi de hina ni kayamba ei yoi nga avungôna aboi d’uo d’a.

Matiye 9:4

Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi djib’er ra tchod’a na ge?

Marik 2:7

Sa máma mi de ni zla me neî? Nga mi las Alona gi? Ni nge ba, mi ndak á vat hurum mbei yam tchod’a ge? NAlona tu d’uo zu?

Marik 2:9

Vama afefeta á de mi sama gugutud’a ni me ge? An vat wa hurun ndei yam tcho manga da’, d’oze Ang tchola, ang hle zlat mangâ, ang tid’a d’uo zu?

Marik 7:21

Kayam ni krovo kur sana ba, djib’er ra tchod’a, e’eûd’a, kula, tchi matna,

Wana ni Zla d’a Djivi d’a Luc mi b’irita 24:38

Mi dazi kua ala: Ni kayam me ba, vunadigagi d’i pat fek ke? Ni kayam me ba, agi djib’eregi kurugi hina ge?

Wana ni Zla d’a Djivi d’a Luc mi b’irita 5:22

Wani Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi kurugi krovo hina ge?

Wana ni Zla d’a Djivi d’a Luc mi b’irita 6:8

Wani mam we djib’er mazid’a tcha. Mi de mi ma abom tche mogod’ina ala: Ang tchol akulo, ang tchol adigaziya. Mam tchol akulo avok suma pet.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Jean 6:64

Wani suma hiuna a nga adigagi bei he gagazid’a. Jesus mi de hina kayam mi we suma bei he gagazid’ina avok dei ki ma mba mi hum abo sumina mi.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.