Marik 2:27 - Bible azumeina

²⁷ Jesus mi dazi kua ala: A le bur ma sabatna ni kayam sana, wani a le nga sana ni yam bur ma sabatna d’i.

Marik 2:27 Iomraidhean Croise

Buzuk ka Abud’a 23:12

Agi lagi sunda burâ karagaya, wani kur bur ma kid’iziyana agi tugugi tagiya, kayam amuzlei magina ki koro magina a tuk taziya, kayam yugunei magina grozina kangoyogei suma adigagina a tuk tazi mi.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Ezekiyel 20:12

An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Ezekiyel 20:20

Agi tinigi bur man ma sabatna iram vamu, ar mi ka’î vama taka adigagi ki anu, kayam agi wagi ala an ni Ma didina Alo magina.

Marik 2:28

Kayam ndata, an Gor Sana ni Sala bur ma sabatna mi.

Wana ni Zla d’a Djivi d’a Luc mi b’irita 6:9

Jesus mi dazi ala: An nga ni djobogiya, na ni gat meid’a ar lovota á le djivid’a kur bur ma sabatna, d’oze á le tchod’a zu? Á sut sana, d’oze á tchi sana zu?

Jean 7:23

Le agi nga ngad’agi sana bayâd’a kur bur ma sabatna kayam agi tchilagi ni yam gata hi Moise-sa d’uo ni, ni kayam me ba, hurugi zal kan kayamba an sut sana woi kur bur ma sabatna ge?

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

Gat ta a hat á mbàd’id’a 5:12

Ar ang djib’er yam bur ma sabatna, ang tinim iram vam yam anu, d’igi an Ma didina Alo mangâ ni hang vuna na.

Gat ta a hat á mbàd’id’a 5:14

Wani bur ma kid’iziyana ni bur ma sabat ma an tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, amuhl mangâ, koro mangâ, d’uwar mang tu pî d’oze angei ma nga kaka avun aziyangâ a le sun ndi, kayambala azong mangâ ki wei manga a tuk tazi d’igi ang na d’a.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.