Marik 2:26 - Bible azumeina

²⁶ Mi kal kur gonga hAlonid’a, mi tavungô ma nga tinda avok Alonina. Natchogoi d’a Abiyatar ni ma ngol ma ngat buzunid’a. Kur gat meid’a suma ngat buzuna a tumî azi hol. Wani David mi kal kua, mi yomu, mi he mi suma a nga ki sed’ema mi.

Marik 2:26 Iomraidhean Croise

2 Samuel 15:24

Sadok mi nga zlapa ki suma hi Levi suma a nga zi zandu’â hAlonina. A tin zandu’â hAlonina kä; Abiyatar mi ar tchola ki sed’ezi gak suma a dap buzuka woi kur azì ma ngolâ pet.

2 Samuel 15:29

Ni hina ba, Sadok azi ki Abiyatar a zi zandu’â hAlonina, a im Jerusalem, a ar kaka kua.

2 Samuel 15:35

Suma ngat buzuna Sadok azi ki Abiyatar a sä ki sed’eng sä hî d’uo zu? Ahlena pet suma ang mba humuzi kur azina hamulina, ang mba dazi mi suma ngat buzuna Sadok azi ki Abiyatar.

2 Samuel 20:25

Seva ni ma b’ir mbaktumba; Sadok azi ki Abiyatar ni suma ngat buzuna.

2 Samuel 8:17

Sadok Ahitup goroma azi ki Ahimelek Abiyatar goroma ni suma a ngat buzuna mAlonina. Seraya ni ma b’ir mbaktumba.

1 Amuleina 1:7

Adoniya mi nde ndjak vunam ki Jowap ma asum Seruya-na ki Abiyatar ma ngat buzuna mi. Azi ni suma a mbut b’rang mambina.

1 Amuleina 2:22

Amulâ Salomon mi de masum ala: Ni kayam me ba, ndak tchenen yam Abisak ka Sunam-mba mi Adoniya ge? Wani ndak djobon ala an hum amula tua, kayam mam mi wiyen ma ngolâ! Ndak djobot yam ma ngat buzuna Abiyatar ki Jowap Seruya gorotna mi!

1 Amuleina 4:4

Benaya Jehojada goroma ni ma ngolâ hi azigarîna; Sadok ki Abiyatar ni suma ngat buzuna mAlona;

1 Sunda Hamuleinid’a 24:6

Ata yima a le togina kazina, a yo ad’u andjafâ hi Elazar-râ mbà, a hle aduk andjafâ hi Itamar-râ tu mi. Ma b’ir mbaktumba Semaya Natanel ma ad’u andjafâ hi Levi-na goroma, mi b’irizi simiyêzi kä avok amulâ, avok suma nglo suma avok sumina, avok Sadok ma ngat buzuna, avok Ahimelek Abiyatar goroma, avok suma nglo suma avok suma ngat buzunina kavok suma nglo suma avok suma hi Levi-nina mi.

Matiye 12:4

Ni nana ba, mi kal kur gonga hAlonid’a, mi tavungô ma nga tinda avok Alona ma nga ngad’a yam mam ki suma ki sed’ema á ted’a d’uo wani ni yam suma ngat buzuna holu na ge?

Marik 2:25

Jesus mi hulong dazi ala: Agi ndumugi nga kur mbaktumba hAlonid’a yagi tu vama David azi ki suma a nga ki sed’ema a lum ata yima meid’a nga d’i tchazina d’uo zu?

1 Samuel 21:1

Wani David mi i Nop gen ma ngat buzuna Ahimelek. Ahimelek mi ngavam ki mandarâ, mi dum ala: Ni kayam me ba, ang mba vang hina tu bei sa ad’ung nge?

1 Samuel 23:6

Kid’a Abiyatar Ahimelek goroma, mi tchol ringâ, mi fe David avo Keila-d’a, mi mba ki baru d’a efod’a abomu.

1 Samuel 23:9

David mi wala Saul mi nga hurum kam á lum tchod’a. Mi de mi Abiyatar ma ngat buzuna ala: Ang i yoï baru d’a efod’a.