Marik 16:18 - Bible azumeina

¹⁸ Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

Marik 16:18 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Sawal la giled’a 91:13

Ang mba tit yam azlona ki mageid’a, ang mba miret yam gor azlona ki guguina kä aseng mi.

Marik 5:23

Nga mi tchenem ngola ala: Goron nda gora nga d’i le ná matna. Ang mbeï tin abong kad’u, ar ti tchol akulo, ar ti mit ti.

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Sunda hi suma a sunuzinid’a 19:12

A nga yo baru mam mba set zumala ki baru d’a atamba, a nga tchuguzi yam suma tugud’eid’a. Tugud’eid’a teteng ti araziya, muzuk ma teteng ma tchona mi nde woi kuruzi mi.

Sunda hi suma a sunuzinid’a 3:12

Kid’a Pierre mi we hina d’a, mi de mi sum ndazina ala: Agi Israel-lâ, ni kayam me ba, agi lagi atchap yam sut mamba ge? Ni kayam me ba, agi sogi iragi kami d’igi ni kad’eng mamid’a d’oze d’engzeng mamid’a yam Alona ba, sa máma nga mi tit ki wana hina zu?

Sunda hi suma a sunuzinid’a 3:16

Nata ad’enga hi Jesus-d’a, nata he gagazid’a yam simiyêm ba, sama wana mi mbut ad’enga, agi nga gologizi agi wagizi wan mi. Ni yam he gagazi d’a yam Jesus-d’a ba, sa máma mi tchol akulo avorogi wan pet na.

Sunda hi suma a sunuzinid’a 4:10

ar agi pet wagi djiviya, agi Israel-lâ pet wagi mi, ni kad’enga hi simiyê Jesus ma Nazarat ma agi b’alam akulo ata aguna ma Alona mi tcholom akulo aduk suma matnina ba, sa máma mi nga tchola akulo avorogi wana.

Sunda hi suma a sunuzinid’a 4:22

kayam sama a lahle suma atchapma ki sed’em a tcholom akulo kur tugud’ei mambina, bizam kal dok fid’i.

Sunda hi suma a sunuzinid’a 4:30

Ang mat abong á sut suma tugud’eid’a, á lahle suma simata kahle suma ndandalâ ki simiyê azong mang ma bei tchod’a ba na Jesus.

Sunda hi suma a sunuzinid’a 9:34

Pierre mi dum ala: Ene, Jesus Christ mi sud’ung wa da’, ang tchol akulo, ang d’ut zlat mangâ. Ata yi máma na wat, mi tchol akulo.

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

1 Korente-na 12:9

Ni Muzuk ma tu máma ba, nga mi he mi sama dingâ gagazi d’a hed’a, nga mi he mi sama dingâ á sut suma tugud’eid’a teteng.