Marik 16:17 - Bible azumeina

¹⁷ Wana nahle suma atchap suma suma he gagazid’a kana a mba lazina: Azi mba dik muzuk ma tchona woi kur suma, a mba de zlad’a ki vuna hi suma teteng mi.

Marik 16:17 Iomraidhean Croise

Marik 9:38

Jean mi dum ala: Ma hat suma, ami wami sana nga mi tit ki sed’ei d’uo na, nga mi dik muzuk ma teteng ma tchona woi ki simiyêngû. Ami d’elemu, kayam me nga mi tit ki sed’ei d’i.

Wana ni Zla d’a Djivi d’a Luc mi b’irita 10:17

Suma dok kid’iziya yam mbà ndazina a hulongî ki furîd’a, a de mi Jesus ala: Salamina, muzuk ma teteng ma tchona pî mi ge yam kä ad’umi kayam simiyêngû.

Jean 14:12

Gagazi, an nga ni dagiya, sama he gagazid’a kana, sun nda an lata, mam mba mi lat na mi. Mam mba mi le sun nda ngol la kal la wanda, kayam an nga ni i gen Abunu.

Sunda hi suma a sunuzinid’a 10:46

Kayam a humuzi a nga de zlad’a ki vuna hi sumina teteng, a nga gile Alona.

Sunda hi suma a sunuzinid’a 16:18

Ti le hina burâ ngola. Ata yi máma, Paul hurum zala, mi mbut iram mi de mi muzuk ma tcho máma ala: An hang vuna ki simiyê Jesus Christ, ang nde woi kurud’u. Ata yi máma na wat, mi nde woi mi.

Sunda hi suma a sunuzinid’a 19:6

Kid’a Paul mi tin abom kazid’a, Muzuk ma bei tchod’a ba na mi mba kaziya. Azi nde de zlad’a ki vuna hi sumina teteng, a nga djok vun zlad’a hAlonid’a woi mi.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 5:16

Ablau suma kur azì ma nglo ma ngui Jerusalem-ma a toga, a yoï suma tugud’eid’a ki suma muzuk ma tchona nga mi lazi ndakina; azi pet a fe lafiya mi.

Sunda hi suma a sunuzinid’a 8:7

Kayam muzuk ma tcho ma nga kur sumina, mi buzuk kei kur suma ablaud’a ki tchina. Suma gugutud’a ablaud’a ki suma dileîd’a a tchol akulo.

1 Korente-na 12:10

Muzu’â nga mi he mi sama dingâ á lahle suma atchapma, ma dingâ á djok vun Alona, ma dingâ á wal ir muzuk ma teteng ma ka zlad’a ki ma gagazina. Mi he mi sama dingâ á de vuna hi suma tetengâ, ma dingâ á väd’u vuna hi suma tetengâ woi mi.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

1 Korente-na 12:30

Azi pet a ndak á sut suma tugud’eid’a teteng zu? Azi pet ni suma de vuna hi suma tetengâ zu? Azi pet ni suma väd’u vuna hi suma tetengâ woina zu?

1 Korente-na 13:1

An le nga ni de vuna hi suma ki ma hi malaikanina pî, le an nga ni le od’a d’uo ni, zla man nda ded’a ni d’igi kawei ma a nga tumum keng kengâ na, d’oze d’igi agileng ma nga mi tchi kling klingâ na.

1 Korente-na 14:2

Sama nga mi de zlad’a ki vuna hi suma tetengâ, mi de ni mi suma d’i, wani ni mAlona, kayam sa nga mi wad’ud’a d’i. Ni kad’enga hi Muzu’â hAlonina ba, mam nga mi väd’u zla d’a gagazi d’a nga ngeid’id’a woi abua.