Marik 14:65 - Bible azumeina

⁶⁵ Suma hiuna a nde tuvom ayôna iramu, a dugum iramu, a tom kaboziya, a dum ala: Sama tongâ ni nge ge? Azungeîna a vum ki tod’a mi.

Marik 14:65 Iomraidhean Croise

2 Sunda Hamuleinid’a 18:23

Ata yi máma na wat Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Ester 7:8

Kid’a amulâ mi tcholï kur asine mam ma amula mi mba kur gong nga tenid’a, mi we Haman mi pe nga yam kä ata azang ma Ester nga denga kama. Ata yi máma amulâ mi dala: Ni me na ge? Mi min mi le ni vama tcho kamula Ester avoron ka hî avo hatan ndju? Kid’a amulâ mi mal vunam á de zla ndata hina d’a, ata yi máma hina wat a ve Haman, a d’ud’um iram mbei ki barud’a.

Wana ni mbaktumba hi Job-pa 30:10

A golon ni vama ndjendjed’a, a tchol sä woi geven hina dei, a nga tuvon ayôna iran bei ara ba.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Isai 52:14

Suma ablaud’a a mba golomu, a mba hat huruzi kamu, kayam iram mbut hohoud’a, ti nga d’igi ir sana na d’uo d’a.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Ndumba 12:14

Ma didina mi de mi Moise ala: Ladjï abut mi tuvot ayôna irat ni mamu ni, mba d’i mbut zulona gak burâ kid’iziya d’uo zu? Ar ang walat tei ki kangâ gak burâ kid’iziya. Bugol tua ba, ang hulongôd’ï kur kangâ.

Matiye 27:30

A tuvom ayôna iramu, a ve heleu ndata, a wad’am ki yamu.

Marik 10:34

Sum ndazina a mba lazanu, a mba tuvon ayôna iranu, a mba ton ki blafâ, a mba tchan ndeyo. Wani kur bur ma hindina, an mba ni tchol akulo aduk suma matna.

Marik 15:19

Azi nde tumum yam ki totogod’a, a tuvom ayôna iramu, a grif kä avoromu, a kud’urom mi.

Jean 18:22

Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?

Jean 19:3

Azi hut gevemu, a gum depa ala: Lafiya, amulâ hi Juif-fîna, a tom kaboziya.

Sunda hi suma a sunuzinid’a 23:2

Ananiyas ma ngol ma ngat buzuna, mi he vuna mi suma a nga tchola gevema ala a tumum vunamu.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.