Marik 14:61 - Bible azumeina

⁶¹ Wani Jesus mi ngruf kiki bei dum zlad’a ba. Ma ngol ma ngat buzuna mi djobom kua ala: Angî Mesi, Alona Gorom ma mi b’e vunam kama zu?

Marik 14:61 Iomraidhean Croise

Sawal la giled’a 119:12

Ma didina, an nga ni suburungû! Ang had’an gat manga.

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Marik 14:60

Wani ma ngol ma ngat buzuna mi tchol akulo adigaziya, mi djop Jesus, mi dum ala: Ang nga de zla tu d’i? Ang nga hum zla d’a sum ndazina a tchugungzi kanga d’i?

Marik 15:2

Pilat mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Jean 1:34

Jean mi dala: An we, an nga ni le glangâsâ kam ala: Mam mi Alona Goroma.

Jean 10:24

Kayam ndata, Juif-fâ a nguyumu, a djobom ala: Ni mindja ba, ang arami bei le gigrita ge? Le angî Mesi-yu ni, ang dami woi mbak.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Jean 19:9

Mi hulong kur azina hi ma te yambina, mi de mi Jesus ala: Ang tcholï ni lara ge? Wani Jesus mi hulongôm nga zla d’a ded’a balum mbi.

Sunda hi suma a sunuzinid’a 8:32

Zla d’a mam nga mi ndumut ta kur mbaktumbid’a ba wana: Mi hle tamî d’igi timi ma a im ata yima ngatina na, d’igi gor timi ma nga tchola mudjuk avok ma tchawama na, bei mi mal vunam ba.

1 Timote 1:11

Ni hat ta an fat ni kur Zla d’a Djivi d’a subur ra Alo ma djivina mi handjid’a.

1 Timote 6:15

Alo ma kal tegles ma tu gid’eng ma mi ndak á hud’a, ma nAmulâ hamuleinina, ma Salad’a hi suliyod’ina, mam mba mi ndum mbei ata yima mi ngama.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.