Marik 14:21 - Bible azumeina

²¹ Gagazi, an Gor Sana nga ni i á matna d’igi a b’ir kan kur mbaktumba hAlonid’a na, wani ni zlad’a hohoud’a yam sama kol ma mba mi han an Gor Sana abo sumina. Sa máma, ladjï a vud’um mbuo pî ni, hotei.

Marik 14:21 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Sawal la giled’a 55:15

Ei yoi siret ma djivina aduk teya, ei suburi Alona kur gong mamba abo tei tu mi.

Isai 52:14

Suma ablaud’a a mba golomu, a mba hat huruzi kamu, kayam iram mbut hohoud’a, ti nga d’igi ir sana na d’uo d’a.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 26:54

Le ni na ni, ni nana ba, zla d’a a b’irit kur mbaktumba hAlonid’a ti ndak memet kan nge?

Matiye 26:56

Wani ahle ndazina a le hina pet ná ndak vun b’ira hi suma djok vun Alonid’a memet. Ata yi máma, mam suma hata pet a aramu, a ringâ.

Marik 14:20

Jesus mi hulong dazi ala: Ni ma nga adigagi agi suma dogo yam mbàna ni ma nga mi duvun ki sed’en kur angala tuna.

Marik 14:22

Kid’a azi nga ted’a, Jesus mi hlavungôna, mi le mersi mAlona kamu, mi mbrugum kä, mi haziziya, mi dazi ala: Agi vagiya, ma wana ni hliwinu.

Marik 14:49

Burâ ki burâ an nga adigagiya, nga ni hat suma kur gong nga kud’ora hAlonid’a, wani agi van nga d’i. Wani ahle ndazina a mba hina ná ndak ki vun zla d’a mbaktumba hAlonid’a ti data memet.

Wana ni Zla d’a Djivi d’a Luc mi b’irita 22:22

Kayam an Gor Sana mba ni mit d’igi Alona mi ngandji kan na, wani ni zla d’a hohoud’a yam sama mi han abo sumina.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Jean 19:28

Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Sunda hi suma a sunuzinid’a 1:25

kayam mi vrak balum sun nda Judas mi arat tei mi i ata yi mamid’a.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.