Marik 13:8 - Bible azumeina

⁸ Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, andagad’a mba d’i yir gigidji ata yina teteng, baktarad’a mba d’i nde yam andagad’a teteng mi. Ndak ndata mba d’i le ni d’igi ndak ka vutid’a na.

Marik 13:8 Iomraidhean Croise

2 Sunda Hamuleinid’a 15:6

Andjaf ma dingâ nga mi dur ayîna ki ndram andjaf ma dingâ, azì ma ngolâ nga mi dur ki ndram azì ma ngolâ mi, kayam Alona mi b’lagazi djib’er mazid’a woi ki ndak ka lara ge pet.

Sawal la giled’a 48:6

Ata yima azi goloma, azi le atchap, a le mandarâ, a ringâ.

Isai 19:2

Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 22:23

Ndak ka nga kaka akulo yam Liban-nda, ndak ka min aziyak aduk agu sedrena d’igi aleina na d’a, fata ndaka mba d’i mba kaka, mba d’i tak d’igi vuta ti tatcha d’a ti nde vutid’a na, ndak mba zam tak ngola.

Jeremi 25:32

Ma didin ma ad’engêm kal petna mi de kua ala: Ndaka nga d’i mba yam andjafâ tutu pet, babar ma ngolâ mi tcholï avun dabid’a handagad’id’a.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 49:24

Suma Damas-sâ a mbut amangeîd’a, a hazigazi á ringâ, a nga zlak abo mandarâ. Pupuluka ki ta d’a ted’a nga d’i tazi d’igi atcha d’a nde vutid’a na.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 6:24

Ablau suma a dala: Ata yima ami humumi zla ndatina, tami d’i tchuk susub’ok, pupuluka nga d’i lami d’igi vuta ti latchad’a na.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Zakari 14:13

Kur bur máma Ma didina mba mi tinizi tcha d’a tatad’a ngola adigaziya, nge nge pî mba mi ve ndrama abomu, nge nge pî mba mi zi abom akulo yam ndrama mi.

Matiye 24:8

Wani ahle ndazina pet a mba le ni d’igi ad’u tinda hi ndak ka vutid’a na.

Marik 13:7

Fata agi humugi siwela hayî ma durâ, agi mba humugi zla ayîna ni, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Marik 13:9

Wani agiya, agi gologi tagi djiviya. Kayam suma a mba hagi abo suma b’ak zlad’a, a mba togi ki blafâ kur gongîyo mazi suma toka. Agi mba tchologi avok suma te yamba azi kamuleina yam an á le glangâsâ avorozi mi.

Sunda hi suma a sunuzinid’a 11:28

Ma dingâ adigazi simiyêm ala Agabus mi tchol akulo. Muzu’â hAlonina mi zud’um mi dala: Baktara d’a ngola mba d’i nde yam andagad’a pet. Gagazi, baktara ndata ti nde kur atchogoid’a hi ma te yamba Klaut-ta mi.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Vama ndum mbeina 6:4

Ata yi máma, akulum ma hleuna mi nde woyo. Ma mi nga kama mi nga kad’enga á wet ayîna woi yam andagad’a, kayam suma a tchi taziya. A hum mbigeu d’a fiyak ka ngola abom mi.