Marik 13:31 - Bible azumeina

³¹ Akulod’a kandagad’a a mba kal leyo, wani zla manda mba d’i kal lei d’i.

Marik 13:31 Iomraidhean Croise

2 Amuleina 15:12

Zla ndata le hina á ndak vun zla d’a Ma didina mi dat mi Jehu ala: Andjavang mba mi kak yam zlam mba amula aduk Israel-lâ gak kur atchogoi d’a fid’id’a d’a.

Sawal la giled’a 19:7

Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

Isai 40:8

Asuna mi so woi b’o mamba ti yak kei mi, wani zlad’a hAlo meinid’a mba d’i ar gak didin.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Matiye 5:18

Gagazi, an nga ni dagiya, akulod’a kandagad’a a mba kal leyo, wani b’ir ra klera d’oze ta ndeb’eka hi gatid’a ti mba d’i kal lei d’i, gak ahle ndazina pet a ndak tua.

Marik 13:30

Gagazi, an nga ni dagiya, suma kur atchogoi d’a wandina a mba bo pet ti, gak ahle ndazina pet a mba le tua.

Marik 13:32

Jesus mi had’azi kua ala: Wani yam mbad’a hi bur máma ki yi mámid’a, sa nga mi we d’i, d’oze malaika suma sä akulona, d’oze an tan Gorâ pî, ni we d’i; wani nAbui Alona tu gid’eng ba, mi we.

Wana ni Zla d’a Djivi d’a Luc mi b’irita 21:33

Akulod’a kandagad’a a mba kal leyo, wani zla manda mba d’i kal lei d’i.

2 Timote 2:13

Le ei ni suma bei d’engzenga ni, mam mi Ma d’engzengâ; mi ndak á tin vunam yam tam mbi.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.