Marik 12:35 - Bible azumeina

³⁵ Kid’a Jesus nga mi hat suma kur gong nga kud’ora hAlonid’id’a, mi djobozi ala: Ni nana ba, suma hat gata a nga dala: Mesi máma ni David goroma ge?

Marik 12:35 Iomraidhean Croise

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Matiye 9:27

Jesus mi tchol ata yi máma, nga mi kala; suma duka mbà a nga tit ad’umu. A er ad’uzi akulo, a dum ala: Ang David goroma, ang wami hohowomiya.

Marik 10:1

Jesus mi tcholï sa hî, mi mba kur andaga d’a Jude-d’a. Bugola, mi djak alum ma Jurdê-na, mi i abo hî. Ablau suma a togï gevem kuana, nde mi had’azi d’igi nga mi ladjeu dei na.

Marik 11:27

Jesus azi ki mam suma hata a hulong kur Jerusalem kua d’ei. Kid’a Jesus nga mi poi kur gong nga kud’ora hAlonid’id’a, suma nglo suma ngat buzuna azi ki suma hat gata ki suma nglona a mba gevemu,

Marik 14:49

Burâ ki burâ an nga adigagiya, nga ni hat suma kur gong nga kud’ora hAlonid’a, wani agi van nga d’i. Wani ahle ndazina a mba hina ná ndak ki vun zla d’a mbaktumba hAlonid’a ti data memet.

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Wana ni Zla d’a Djivi d’a Luc mi b’irita 20:1

Kur bur tu Jesus nga mi hat suma kur gong nga kud’ora hAlonid’a, nga mi tchazi wal Zla d’a Djivid’a mi. Nglo suma ngat buzuna azi ki suma hat gata ki suma nglona a mba atamu,

Wana ni Zla d’a Djivi d’a Luc mi b’irita 21:37

Ki faleid’a, Jesus nga mi had’azi kur gong nga kud’ora hAlonid’a, wani ki fladege nga mi i bur yam ahina d’a a yat ala Olif-fa.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 7:42

Mbaktumba hAlonid’a ti dala: Mesi mba mi ndeï nad’u andjafâ hi David-na kur azì ma Betelehem ma David mi kak kuana d’uo zu?