Marik 12:2 - Bible azumeina

² Kid’a yima duta ndaka, mi sun azong mama gen suma sun ndazina, kayam mi vumî vud’a guguzlu d’a azi humzid’a.

Marik 12:2 Iomraidhean Croise

2 Amuleina 17:13

Wan pî, Ma didina mi sun mam suma djok vuna pet ki suma a nga wahle suma a nga mbana pet á ge hum Israel-lâ ki suma Juda-na kad’enga ala: Agi hulongôgiya, agi aragi sun magi d’a tchod’a woyo, ar agi gagi yagi kä ad’u vun man ma hed’a ki zla manda, ar agi tid’igi yam gat ta an he vuna kat mabuyogi ngolo avun azungeî man suma djok vuna ki hurugi pet mi.

2 Sunda Hamuleinid’a 36:15

Ma didina Alona habuyozi ngolona mi sunï mam suma sunda atazi yam ablaud’a á gazi humaziya, kayam mam min sut sum mama ki yam ma kaka mi.

Esdras 9:11

Kayam ami noyômi vun mang ma he ma ang hamizï avun azungeî mang suma djok vunina woyo, ang dala: Ambas sa agi i kalagi kurut á mbut magid’id’a nambas sa mbut ndjendjed’a abo tchod’a hi suma a nga kurutnid’a. A oyôt tei kahle mazi suma ndjendje suma azi nga lazina tchetchep mi.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Mise 7:1

Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Zakari 7:7

Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Marik 12:1

Jesus mi nde dazi zlad’a ki d’ogolâ ala: Sana mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi, mi ge tam mi i yam andaga d’a dinga.

Marik 12:3

Wani azi vumu, a tomu, a gum abom hawa.

Wana ni Zla d’a Djivi d’a Luc mi b’irita 12:48

Wani sama we nga d’uo na, mi le vama ndak á tod’a, a mba tom akid’eid’a. Sama a hum ahlena ngolina, a mba djobom ahlena ngola; sama a hum ahlena ngola á ngombina, a mba djobom ahlena ngola kala.

Wana ni Zla d’a Djivi d’a Luc mi b’irita 20:10

Kid’a vun simetna mbad’a, mi sunï azong mama gen suma sun ndazina, kayam azi humï vud’a guguzlud’a. Wani suma sunda a to azong mama, a gum abom hawa.

Hebre-na 1:1

Adjeu Alona mi de zlad’a yam ablaud’a mabuyoi ngolo ki lovod’ot teteng navun mam suma djok vuna.