Marik 12:14 - Bible azumeina

¹⁴ Kid’a azi mbeï atamba, a dum ala: Ma hat suma, ami wami ala angî ma gagazi ma bei le mandara sa ba na, kayam ang nga ka ir sa d’uo mi, wani ang hat suma yam lovota hAlonid’a kur gagazid’a. Djivid’a ei hei tara mamulâ Sesar roze ei hum mbuo zu?

Marik 12:14 Iomraidhean Croise

2 Sunda Hamuleinid’a 18:13

Wani Mise mi hulong dum ala: Ma didina ni Ma bei matna ba na. An i ni de ni vama Alo mana mba mi dandjina.

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Nehemi 9:37

Nga d’i zul ahligiyet mamulei suma ang hazi ad’enga á te kamina kayam tcho mamid’a. A nga te kami ki d’uwar mamina kur min mazid’a. Ami nga kur ndak ka ngola mi.

Sawal la giled’a 120:2

Ma didina, ang prud’un ndei abo suma ka zlad’a, abo suma mbut ira mi.

Sawal la giled’a 55:21

Sama nana mi mbut ni ir buniyôma, mi b’lak vun mam ma djinda woi mi.

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Matiye 22:17

Ang dami go, ang djib’er nana ge? Djivid’a ei hei lombod’a mamulâ Sesar roze ei hum mbuo zu?

Marik 12:13

A sun suma dingâ aduk Fariziyêna azi ki suma hi Herot-na ata Jesus, kayam a hal á vum ki zla d’a de d’a avunamba.

Marik 12:15

Wani Jesus mi we mbut ir mazid’a, mi dazi ala: Ni kayam me ba, agi kugun nge ge? Agi hanï sile ndata wana, an golod’u.

Marik 14:45

Ata yi máma na wat, Judas mi mba, mi hut gen Jesus, mi dum ala: Ma hat suma, mi sobom vunam mi.

Wana ni Zla d’a Djivi d’a Luc mi b’irita 20:22

Djivid’a ei hei lombod’a mamulâ Sesar roze ei hum mbuo zu?

Wana ni Zla d’a Djivi d’a Luc mi b’irita 23:2

Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

Romê-na 13:6

Kayam ndata, ar agi hagi tara. Kayam suma te yamba ni suma sunda hAlonina ata yima a nga le sun mazid’a burâ ki burîna.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 2:2

Le an zalagi hurugiya ni, sama mba mi lan tan djivid’ina ni nge ge? Ni ma an zalam huruma tul li?

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

1 Tasaloni’â 2:4

Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.