Marik 11:18 - Bible azumeina

¹⁸ Kid’a suma nglo suma ngat buzuna azi ki suma hat gata a hum zla ndatid’a, a nga hal lovota á tchum mbeyo, wani azi nga lum mandaramu, kayam ablau suma pet a nga le atchap yam hat mamba.

Marik 11:18 Iomraidhean Croise

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 22:18

Amul ma Israel-lâ mi de mi Josafat ala: An dangâ na ge? Mi nga mi djogon vun ma djivi d’i, mi djogon ni vun ma tchona burâ ki burâ!

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Matiye 21:15

Wani kid’a nglo suma ngat buzuna azi ki suma hat gata a wahle suma ndandal suma mi lazina, a we gugureina a nga er ad’uzi kur yi máma ala: Suburi David goroma d’a, huruzi mi zala,

Matiye 7:28

Kid’a Jesus mi dap zla d’a ded’id’a, ablau suma a le atchap yam hat mamba,

Marik 1:22

Azi le atchap yam hat mamba, kayam nga mi had’azi kad’enga, wani nga d’igi suma hat gata na d’i.

Marik 11:32

Wani le ei dei wa ala: Suma a sunumï ni aziya ni, nad’enga heî. Azi de hina, a le ni mandara ablau suma, kayam suma pet a wala Jean ni ma djok vun ma gagazina hAlonina.

Marik 12:12

Ata yi máma, suma nglona hi Juif-fîna a we tcha ala Jesus mi de zla d’a d’ogol ndata ni kaziya, a halam á ved’a, wani a le mandara ablau suma. A aramu, a iya.

Marik 3:6

Fariziyêna a buzuk abua. Ata yi máma na wat, azi ndjak vunazi ki suma hi Herot-na yam Jesus, ni nana ba, azi mba bam mbei ge?

Marik 6:20

kayam Herot nga mi le mandara Jean, kayam mi wumu, ni sama d’ingêrâ, ni ma yed’etna mi. Mi ngomom djivid’a. Ata yima Herot mi hum zla mambina, nga mi djib’er kat ngola, nga mi humum ki furîd’a mi.

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Wana ni Zla d’a Djivi d’a Luc mi b’irita 2:47

Suma pet suma a hum zla mambina, a le atchap yam ne mamba ki zla d’a de d’a nga mi hulongôzizid’a mi.

Wana ni Zla d’a Djivi d’a Luc mi b’irita 20:19

Ata yi máma, nglo suma ngat buzuna azi ki suma hat gata a hal á ve Jesus, kayam azi wala mi de zla d’a d’ogol ndata ni kaziya, wani azi le mandara suma.

Wana ni Zla d’a Djivi d’a Luc mi b’irita 4:22

Azi pet tazi lazi djivid’a kamu, a le atchap yam zla d’a suma d’a nga d’i ndavunamba, a dala: Mam mi Josef goroma d’uo zu?

Jean 7:1

Bugol ahle ndazina, Jesus nga mi tit kur ambas sa Galile-d’a kayam mi min tit kur ambas sa Jude-d’a d’i, kayam Juif-fâ a nga halam á tchid’a.

Jean 7:19

Moise mi hagi gata d’uo zu? Hina pî, adigagi ma ngomotna nga d’i. Ni kayam me ba, agi halan á tchid’a ge?

Jean 7:46

Azigarâ a hulong dazi ala: Dedei sa mi de nga zlad’a d’igi sa máma na d’i.

Sunda hi suma a sunuzinid’a 24:25

Wani kid’a Paul mi dum zla d’a yam tit ta d’ingêrid’a, yam ve ta d’a yam hliu tad’id’a, yam sariya d’a nga d’i mbad’a mi d’a, Felix mi le mandarâ ngola. Mi hulong dum ala: Ki tchetchemba, ang iya; fata an fe wa lovota ni, an mba ni yangî tua.