Marik 10:38 - Bible azumeina

³⁸ Jesus mi dazi ala: Agi wagi nga vama agi tchenema d’i. Agi ndak á tchagi ki kop ma kid’eî ir ma an mba ni tchuma ko zu? D’oze agi mba lagi batem mba ndak ka an mba ni lata ko zu?

Marik 10:38 Iomraidhean Croise

1 Amuleina 2:22

Amulâ Salomon mi de masum ala: Ni kayam me ba, ndak tchenen yam Abisak ka Sunam-mba mi Adoniya ge? Wani ndak djobon ala an hum amula tua, kayam mam mi wiyen ma ngolâ! Ndak djobot yam ma ngat buzuna Abiyatar ki Jowap Seruya gorotna mi!

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Isai 51:22

Gola! Salad’a Ma didina Alo mak ma nga mi ndjun yam sum mamina, mi dala: Gola! An nga ni hle kop ma süm ma mi vid’ik yak keina woi abogu. Ndak dok tche ayî man ma kur kopmina bugol luo d’a.

Jeremi 25:15

Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 3:6

Ata yima azi de tcho mazid’a woina, mi nga mi lazi batemba kur alum ma Jurdê-na mi.

Marik 14:36

Mi de kua ala: Aba, Abunu, ahlena pet, ang ndak á laziya, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Wana ni Zla d’a Djivi d’a Luc mi b’irita 12:50

Wani batemba nga ni d’a mbeî an lata, hurun nga hat kat gak an lat tua.

Wana ni Zla d’a Djivi d’a Luc mi b’irita 22:42

Mi dala: Abunu, le ang mina ni, ang hle kop ma ayî ma wana woi kanu, wani ang le nata min manda d’i, wani ang le nata min manga. [

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

Romê-na 8:26

Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.