Marik 10:34 - Bible azumeina

³⁴ Sum ndazina a mba lazanu, a mba tuvon ayôna iranu, a mba ton ki blafâ, a mba tchan ndeyo. Wani kur bur ma hindina, an mba ni tchol akulo aduk suma matna.

Marik 10:34 Iomraidhean Croise

Wana ni mbaktumba hi Job-pa 30:10

A golon ni vama ndjendjed’a, a tchol sä woi geven hina dei, a nga tuvon ayôna iran bei ara ba.

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Sawal la giled’a 22:13

Man suma djangûna a nga mola geven d’igi amuzlei suma andjofâ na, a nguyun d’igi amburei suma ayî suma Basan-na na.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Matiye 16:21

Kur bur máma, Jesus mi nde mi de woi mi mam suma hata ala: Mbeî an i Jerusalem á fe ndaka ngola abo suma nglona azi ki nglo suma ngat buzuna ki suma hat gata mi. A mba tchanu, wani kur bur ma hindina, an mba ni tchol akulo aduk suma matna.

Matiye 26:67

Kayam ndata, a tuvom ayôna iramu, a tomu. Suma dingâ a tom kaboziya,

Matiye 27:63

a dum ala: Sama ngolâ, humami gami yam zla d’a sama ka zla máma, kid’a mam nga ki iram tua d’a, mi dala: Bugol bur ma hindina, an mba ni tchol akulo aduk suma matna.

Marik 14:63

Ata yi máma, ma ngol ma ngat buzuna mi haû baru mamba woyo, mi dala: Ei dok halei suma glangâsâ me d’ei ge?

Marik 14:65

Suma hiuna a nde tuvom ayôna iramu, a dugum iramu, a tom kaboziya, a dum ala: Sama tongâ ni nge ge? Azungeîna a vum ki tod’a mi.

Marik 9:31

kayam nga mi hat mam suma hata ala: A mba han an Gor Sana abo suma; azi mba tchanu. Fata a tchanda, an mba ni tchol akulo aduk suma matna kur bur ma hindina.

Wana ni Zla d’a Djivi d’a Luc mi b’irita 23:11

Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 2:10

mi dum ala: Sama lara pî mi he ni suma süm ma djivina avok tua. Le azi tche a ndak wa tua ni, mi hazi ma abei ayîna tua. Wani ang ar ma djivina gak ki tchetchemba nana ge?

1 Korente-na 15:4

a tozomu, wani mi tchol akulo aduk suma matna kur bur ma hindina d’igi mbaktumba hAlonid’a ti de na;