Marik 10:33 - Bible azumeina

³³ Mi dazi ala: Gola! Ei nga tubi kur Jerusalem. Suma a mba han an Gor Sana abo nglo suma ngat buzuna azi ki suma hat gata. Azi mba kan sariya d’a matna kanu, a mba han abo andjaf suma dingâ mi.

Marik 10:33 Iomraidhean Croise

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Matiye 16:21

Kur bur máma, Jesus mi nde mi de woi mi mam suma hata ala: Mbeî an i Jerusalem á fe ndaka ngola abo suma nglona azi ki nglo suma ngat buzuna ki suma hat gata mi. A mba tchanu, wani kur bur ma hindina, an mba ni tchol akulo aduk suma matna.

Matiye 26:66

Agi djib’er magid’a nana? Azi hulong dum ala: Mi ndak á tchid’a.

Matiye 27:2

Azi djinim a im a hum abo Pilat ma te yamba.

Marik 14:64

Agi humugi las sa mi las Alonid’a. Agi djib’er magid’a nana? Azi pet a kam sariyad’a kam a dala: Mi ndak á tchid’a.

Marik 15:1

Ki yorogo tcholola, nglo suma ngat buzuna azi ki suma nglona ki suma hat gata ki suma b’ak zlad’a ki zlazi pet a ndjak vunazi tu. Azi djin Jesus, a im a hum abo Pilat.

Marik 8:31

Jesus mi nde mi hat mam suma hata ala: Mbeî an Gor Sana mba ni fe ndaka ngola. Suma nglona azi ki nglo suma ngat buzuna ki suma hat gata a mba noyônu, a mba tchanu, wani kur bur ma hindina, an mba ni tchol akulo aduk suma matna.

Marik 9:12

Mi hulong dazi ala: Gagazi, Elie mba mi mba avogo, mba mi min ahlena pet ata yazi ma adjeuna. Wani ni kayam me ba, mbaktumba hAlonid’a ti dala an Gor Sana mba ni fe ndaka ngola ki lasa mi ge?

Marik 9:31

kayam nga mi hat mam suma hata ala: A mba han an Gor Sana abo suma; azi mba tchanu. Fata a tchanda, an mba ni tchol akulo aduk suma matna kur bur ma hindina.

Wana ni Zla d’a Djivi d’a Luc mi b’irita 23:21

Wani a de ki delezi akulo ala: B’alam akulo ata aguna, b’alam akulo ata aguna.

Wana ni Zla d’a Djivi d’a Luc mi b’irita 9:22

Mi dazi ala: Mbeî an Gor Sana mba ni fe ndaka ngola. Suma nglona azi ki nglo suma ngat buzuna ki suma hat gata a mba noyônu, a mba tchanu, wani kur bur ma hindina, an mba ni tchol akulo aduk suma matna.

Jean 18:28

A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â.

Jean 18:32

Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.

Jean 19:11

Jesus mi hulong dum ala: Ladjï Alona mi hangzi ni mam mbuo ni, ang nga kad’enga kan ndi. Kayam ndata, sama han abongâ, mi kalang ki tchod’a.

Sunda hi suma a sunuzinid’a 13:27

Suma a nga kaka kur Jerusalem-ma ki mazi suma nglona a we nga Jesus d’i, a we nga zlad’a hi suma djok vun Alona d’a azi nga ndumut teteu kur bur ma sabatnid’a d’uo mi. Wani azi ndak vun sariya d’a a kamzi kamba.

Sunda hi suma a sunuzinid’a 20:22

Ki tchetchemba, Muzuk ma bei tchod’a ba na nga mi zud’un á i Jerusalem, an we nga vama mba mi fan sä hina d’i.

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.