Marik 10:27 - Bible azumeina

²⁷ Jesus mi golozi mi dazi ala: Ata suma, ndak kuo; wani ata Alona, nga na d’i, kayam Alona mi ndak á lahlena pet.

Marik 10:27 Iomraidhean Croise

2 Amuleina 3:18

Wani Elise mi dazi kua ala: Ni vama akid’eina ir Ma didina. Mba mi hagi ambas sa Mowap-pa abogi mi.

2 Amuleina 7:2

Azigar ma ndjun amulâ ma mam nga mi deng tam atama, mi de mi Elise ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, wani ang mba tum mbi!

Wana ni mbaktumba hi Job-pa 42:2

An wala ang ndak á lahlena pet, vama ang nga hurung kama, vama d’eleng kam á led’ina nga d’i.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 32:27

An ni Ma didina Alo ma yam suma petna. Vama hlan abod’ina mi nga zu?

Zakari 8:6

An Ma didin ma ad’engêm kal petna nga ni dala: Le ahle suma a mba le ndazina ni vama ndandalâ ir andjaf Israel suma a mba arâ ni, ni vama ndandalâ iran an mi zu?

Matiye 19:26

Jesus mi golozi mi dazi ala: Ata suma, ndak kuo; wani Alona mi ndak á lahlena pet.

Marik 10:26

Suma hata a le atchap kua ngola, a nga de tazi ala: Le ni na ni, sama ndak á fe suta ni nge ge?

Wana ni Zla d’a Djivi d’a Luc mi b’irita 1:37

Kayam vama hle Alona abod’ina nga d’i.

Wana ni Zla d’a Djivi d’a Luc mi b’irita 18:27

Wani Jesus mi dazi ala: Vama suma a ndak á lum mbuo na, Alona mi ndak á lumu.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

Hebre-na 11:19

Abraham mi djib’er ala Alona mi ndak á tchol sana akulo aduk suma matna. Ni kayam ndata ba, mi hulong mi fe Isak d’igi sama tchol akulo aduk suma matnina na.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.