Marik 1:45 - Bible azumeina

⁴⁵ Wani mi ndabua, mi nde tchi wal zla ndata woi avogovok gak Jesus mi fe nga lovota á kal kur azì máma pid’ak ki, wani mi nga nabageya. Suma a tcholï ata yina pet a mba gevemu.

Marik 1:45 Iomraidhean Croise

Sawal la giled’a 77:11

Bugola, an de kurun ala: Vama han ndakina ba wana: Alo ma sä akulo ma kal teglesâ nga mi ndjuni d’igi avoka na d’uo d’a.

Matiye 28:15

Azi ve gurzu ndata, a le d’igi a gad’azi na. Zla ndata b’rau aduk Juif-fâ gak ini.

Matiye 9:26

Zla ndata ti b’rau woi yam andaga ndata pet.

Matiye 9:31

Wani a buzuga, a i dum zlam mbei yam andaga ndata pet.

Marik 2:13

Jesus mi hulong sä avun apo d’a Galile-d’a. Ablau suma pet a nga i gevemu, nga mi had’azi mi.

Marik 3:20

Jesus mi hulong avo. Ablau suma a togï kua d’ei, gak Jesus azi ki mam suma hata a fe nga lovota á te tena d’i.

Marik 3:7

Jesus mi i ki mam suma hata avun apo d’a Galile-d’a. Ablau suma a tcholï Galile, Jude,

Marik 7:36

Jesus mi gad’azi ala a de mi sa d’i. Wani mi gad’azi kam kua kam kua hina pî ni, azi nga tchum walam mbei avogovogo.

Jean 6:2

Ablau suma a i ad’umu, kayam a wahle suma simat suma mi lazi yam suma tugud’eid’ina.

Wana ni mbaktum mba Paul mi b’irit mi Tit-ta 1:10

Suma tchila yam gata a nga ablaud’a, ni suma bei hum vuna, ni suma lop suma ki zla mazi d’a de d’a hawa yakina. Ablawazi ni Juif suma a mbut huruzina.