Marik 1:35 - Bible azumeina

³⁵ Ki pipir ra yina nga bei fod’a tua d’a, Jesus mi tchol ndabua, mi i abagei ata yima sa nga kua d’uo na. Ata yi máma, nga mi tchen Alona.

Marik 1:35 Iomraidhean Croise

Sawal la giled’a 109:4

An nga ni le od’a kazi pî, a nga tchugun zlad’a kanu. Hina pî, an nga ni tchen yam man suma djangû ndazina.

Sawal la giled’a 5:3

Amul mana, Alo mana, ang tin humang hum tchi mana; ni ang ba, an nga ni tchenengû.

Matiye 14:13

Kid’a Jesus mi hum zla ndatid’a, mi ar yi máma, mi djak kur alumba, mi i abagei ata yima sa nga kua d’uo na. Kid’a ablau suma a humum zlamba, a buzuk kur azina teteng, a nga i ad’um kasezi avun mbina.

Matiye 14:23

Bugol la mi tin ablau suma woi ta d’a, mi djak akulo yam ahinad’a woi ken vam á tchen Alona. Kid’a afata nik dad’a, Jesus sä hî ni vam tu.

Marik 1:36

Simon azi ki ndroma a nga halamu.

Wana ni Zla d’a Djivi d’a Luc mi b’irita 5:16

Wani mi araziya, mi i abagei á tchen Alona.

Wana ni Zla d’a Djivi d’a Luc mi b’irita 6:12

Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 6:15

Kid’a Jesus mi wala ar go azi nga mba á vum kad’enga á tinim amula d’a, kayam ndata, mi pat tam mbeyo, mi hulong mi djak akulo yam ahinad’a vam tu.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Filip-ma 2:5

Ar agi kagagi ki djib’era hi Jesus Christ-sa kurugiya:

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.