Wana ni Zla d’a Djivi d’a Luc mi b’irita 9:47 - Bible azumeina

⁴⁷ Wani Jesus mi we djib’er ra kuruzid’a, mi ve gogor ma gorâ, mi tinim gevemu.

Wana ni Zla d’a Djivi d’a Luc mi b’irita 9:47 Iomraidhean Croise

Sawal la giled’a 139:2

Ata yima an kaka kä na, ang nga wanu; ata yima an nga ni tchol akulona, ang nga wan mi. Ang nga we djib’er manda ei akulo dei.

Sawal la giled’a 139:23

Alo mana, ang halan hurunu, ang wumu; ang kugunu, ang we djib’er man nda teteud’a.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Matiye 12:15

Kid’a Jesus mi we hina d’a, mi nde woi ata yi máma. Ablau suma a i ad’umu, mi sud’uzi woi kur tugud’ei mazid’a pet mi.

Matiye 9:4

Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi djib’er ra tchod’a na ge?

Wana ni Zla d’a Djivi d’a Luc mi b’irita 5:22

Wani Jesus mi we djib’er ra kuruzid’a tcha, mi dazi ala: Ni kayam me ba, agi djib’eregi kurugi krovo hina ge?

Jean 16:30

Ki tchetchemba, ami wami ala ang wahlena pet da’, sama dok mi djobong yam va nga d’uo d’a. Kayam ndata, ami hami gagazid’a ala ang tcholï ni gen Alona.

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.