Wana ni Zla d’a Djivi d’a Luc mi b’irita 9:18 - Bible azumeina

¹⁸ Kur bur ma dingâ, kid’a Jesus nga mi tchen Alona vam tud’a, mam suma hata a nga ki sed’em mi. Mi djobozi ala: Ablau suma a nga de kan ala an ni nge ge?

Wana ni Zla d’a Djivi d’a Luc mi b’irita 9:18 Iomraidhean Croise

Matiye 14:23

Bugol la mi tin ablau suma woi ta d’a, mi djak akulo yam ahinad’a woi ken vam á tchen Alona. Kid’a afata nik dad’a, Jesus sä hî ni vam tu.

Matiye 26:36

Ata yi máma, Jesus mi i ki sed’ezi ata yima a yum ala Gesemane-na. Mi de mi mam suma hata ala: Agi kagagi ka hî djang, an i ni tchen Alona.

Wana ni Zla d’a Djivi d’a Luc mi b’irita 11:1

Bur tu, Jesus nga mi tchen Alona ata yima dingâ. Kid’a mi dap tchendid’a, mam ma hata tu mi dum ala: Salamina, ang had’ami tchenda d’igi Jean ma le suma batemba mi hat mam suma hata na.

Wana ni Zla d’a Djivi d’a Luc mi b’irita 3:21

Ata yima Jean mi le suma pet batembina, mi le Jesus batemba mi. Kid’a Jesus nga mi tchen Alonid’a, akulod’a ti mal leyo.

Wana ni Zla d’a Djivi d’a Luc mi b’irita 6:12

Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Wana ni Zla d’a Djivi d’a Luc mi b’irita 9:19

Azi hulong dum ala: Suma dingâ a nga dala angî Jean ma le suma batemba, suma dingâ ala angî Elie, suma dingâ ala angî ma dingâ tu aduk suma djok vun Alona suma adjeuna ba, mi tchol akulo.

Wana ni Zla d’a Djivi d’a Luc mi b’irita 9:28

Go ki burâ klavandi bugol la Jesus mi de zla ndatid’a, mi yo Pierre azi ki Jean ki Jacques, mi djak ki sed’ezi yam ahina d’a fiyak ka ked’iwurenga á tchen Alona.

Wana ni Zla d’a Djivi d’a Luc mi b’irita 9:29

Kid’a nga mi tchenda, iram mbi mbut vat zenen, baru mama mi mbut ngal wiwilik hapa titil.