Wana ni Zla d’a Djivi d’a Luc mi b’irita 7:38 - Bible azumeina

³⁸ Ti tchol bugol Jesus go kasemu, nga d’i tchiya, simi ma iratna nga mi labam asemu, nga d’i sad’am mbei ki tumus sa kata. Ti vum asemu, ti sad’amzi ki mbul ma his ma afufuîna.

Wana ni Zla d’a Djivi d’a Luc mi b’irita 7:38 Iomraidhean Croise

Ad’u Tinda 18:4

Ar an hagi mbiyo ma mbus asegina dö, agi tugugi tagi ad’u agu ma wana.

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

Sawal la giled’a 38:18

Kayam an ar go á puka, an nga ni yor tan teteu.

Sawal la giled’a 51:17

Salad’a, ang malan vunan ndeyo, an mba ni suburungû.

Ma tchi wala 9:8

Ar ang tchuk baru ma djivina atang burâ ki burâ, ang le mbulâ kang teteu mi.

Sawal la kal teglesa 1:3

Mbul mang ma his ma afufuî ma tetengâ, mi his djivid’a; simiyêngî d’igi mbul ma his ma afufuî ma nga mi b’rau woi ata yinina na mi. Kayam ndata, gro yuguneina a nga le kangû!

Isai 57:9

Agi nga igi akoid’a hamulâ ki mbulâ, agi zulugi mbul magi ma his ma afufuîna, agi sunugi magi suma sunda ata yima deina, agi hulongôgi yagi kä gak ata yima azuleina.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Wana ni Zla d’a Djivi d’a Luc mi b’irita 22:62

Mi ndabua, nga mi hlizlik tchina ngingik.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Wana ni Zla d’a Djivi d’a Luc mi b’irita 7:37

Atcha d’a tchod’a nga kur ambas ndata. Kid’a ti we Jesus nga mi te tena avo hi Fariziyê mámid’a, ti mba kagel la albatred’a oîd’a ki mbul ma his ma afufuîna.

Wana ni Zla d’a Djivi d’a Luc mi b’irita 7:39

Kid’a Fariziyê ma yum yam tenina mi we hina d’a, mi de kurum ala: Sa máma ladjï ni ma djok vun Alona gagaziya ni, mi we wa atcha d’a domba, mi wat wa tit mata, kayam ndat natcha d’a tchod’a.

Jean 11:2

Ni Marie d’a vo mbul ma his ma afufuîna yam asem Salad’a ti sed’emzi woi ki tumus sa katid’a, ni d’a wiyetna Lazar mi nga tugud’eid’id’a.

Jacques 4:9

Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.