Wana ni Zla d’a Djivi d’a Luc mi b’irita 6:41 - Bible azumeina

⁴¹ Ni kayam me ba, ang gol asu ma lerem ma nga ir wiyengîna, wani ang nga djib’er yam agu ma murguli ma nga irangâ d’uo ge?

Wana ni Zla d’a Djivi d’a Luc mi b’irita 6:41 Iomraidhean Croise

1 Amuleina 2:32

Ma didina mba mi ka sariyad’a kamu, kayam mi tchi suma mbà suma a kalam ki d’ingêra ki djivid’a mi na, abun mi we d’uo mi. Mi tchi Apner Ner goroma ma ngolâ hi azigar suma Israel-lîna ki Amasa Jeter goroma ma ngolâ hi azigar suma Juda-nina mi.

1 Sunda Hamuleinid’a 21:6

Mi ndum nga suma hi Levi-na ki suma hi Benjamin-na d’i, kayam vun ma hed’a hamulîna mi nga ata yam mbi.

Sawal la giled’a 36:2

Zla d’a de d’a ndjendjed’a hi ma asa’atnid’a ei ni kurum krovo dei, nga mi le mandara Alona d’i.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Ezekiyel 18:28

Le mi we tcho mam mba mi lata, mi djok tit mamba ni, gagazi, mba mi kak karid’a, mba mi mit ti.

Matiye 7:1

Jesus mi had’azi kua ala: Agi kagi sariyad’a yam sa d’i, kayam Alona mi kagi sariyad’a kagi d’uo mi.

Marik 8:7

A nga ki kuluf ma gureina nde mi. Kid’a mi le mersi kamba, mi hazi vuna á b’rawazizi mi.

Wana ni Zla d’a Djivi d’a Luc mi b’irita 6:40

Ma hata nga mi kal ma had’ama d’i, wani sama lara ma ndak vun hat mambina, mba mi mbut ni d’igi ma had’ama na.

Wana ni Zla d’a Djivi d’a Luc mi b’irita 6:42

Ni nana ba, ang de mi wiyengâ ala: Wiyena, ang tin an hlang asu ma lerem ma nga irangâ woyo, wani ang tanga we nga agu ma murguli ma nga irangâ d’uo ge? Ang ma lop ira, ar ang hlagu ma murguli ma nga irangâ woi tua, ang ndak á we yina woi tetet á hlasu ma lerem ma nga ir wiyengîna woi tua.

Jean 8:7

Kid’a azi nga djobom kua kuad’a, mi hle yam akulo, mi dazi ala: Sama bei le tchod’a adigagi ni nge kla ni, ar mi gatcha ndata kahinad’a avogo.

Romê-na 2:1

Kayam ndata, ang sana, ang ma nga ka sariyad’a yam suma dingîna, ang ndak á tin vunang ngi. Kayam ata yima ang nga ka sariyad’a yam suma dingâ ang nga lahle ndazina mi na, ang kat ni yam ang tanga.

Jacques 1:24

Ata yima mi gol tama, mi ge tam mi iya. Ata yi máma na wat, mi mara mam mi nana ge?