Wana ni Zla d’a Djivi d’a Luc mi b’irita 6:38 - Bible azumeina

³⁸ Agi hagi mi suma, Alona mba mi hagi mi. Kur nga d’a djivi d’a kota, azi mba oyôgizi vunadigagiya, a mba gazad’u, mba d’i sulul kä woyo. Kayam Alona mba mi ngagi ni ki nga d’a agi ngagi ki mi suma dingîd’a.

Wana ni Zla d’a Djivi d’a Luc mi b’irita 6:38 Iomraidhean Croise

2 Samuel 19:36

An azong mangâ ni djagangî alum ma Jurdê-na go. Ni kayam me ba, ang dok han wurak ndata hina d’ei ge?

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Ester 9:25

Wani ata yima Ester ti tchol avok amulîna, amulâ mi he vuna kur mbaktumba ala: Ar tcho d’a Haman mi ngat kurum á lat mi Juif-fîd’a ti hulong kamu, a gabam akulo ata aguna, mam ki groma mi.

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Sawal la giled’a 79:12

Salad’a, ang wurak suma a nguyumina yam ngul la a ngulunga wuwurak yang kid’iziya.

Buzuk ka Abud’a 21:24

Le mi tchot irad’u ni, a mba tchom mamba mi; le mi kuzut siyad’u ni, a mba kuzum mama mi; le mi kuzut abod’u ni, a mba kuzum mama mi; le mi kuzut ased’u ni, a mba kuzum mama mi;

Zla d’a d’ogolâ 10:22

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Jeremi 32:18

Ang nga tak suma manga woi gak kur atchogoi d’a dubid’a, ang nga hulong wurak grod’a yam tchilad’a habuyozid’a. Angî Alo ma ngolâ, angî ma sib’ika. Simiyêng ala Ma didin ma ad’engêng kal petna.

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Marik 4:24

Jesus mi dazi kua ala: Agi gologi tagi djivi ki vama agi humuma. Ni vama agi nga ngagi ki na ba, Alona mba mi ngagi ki mi.

Wana ni Zla d’a Djivi d’a Luc mi b’irita 6:30

Sama lara pî ma mi tcheneng vanina, ang humu. Le sana mi hle va mangâ ni, ang djobom kam mbi.

Gat ta a hat á mbàd’id’a 15:10

Ar agi hum he d’a hawad’a bei gigrita. Ni kayam ndata ba, Ma didina Alo magina mba mi b’e vunam kagi kur sun nda lara ge pet ta agi mba lata.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.