Wana ni Zla d’a Djivi d’a Luc mi b’irita 6:27 - Bible azumeina

²⁷ Jesus mi had’azi kua ala: An nga ni dagiya, agi suma nga humuna, agi lagi yam magi suma djangûna, agi lagi djivid’a mi suma a nga noyôgina.

Wana ni Zla d’a Djivi d’a Luc mi b’irita 6:27 Iomraidhean Croise

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

Sawal la giled’a 7:4

Ma didina Alo mana, le an le vama wana, nala, le an mbut ir sana,

Zla d’a d’ogolâ 24:17

Ar ang le furîd’a yam puka hi mang ma djangûnid’a d’i, ar ang le hur ma hapma ata yima mi lá puka kä na

Zla d’a d’ogolâ 25:2

Subura hAlonid’a ná ngei ahlena, subura hamuleinid’a ná fek ad’u ahlena woyo.

Marik 4:24

Jesus mi dazi kua ala: Agi gologi tagi djivi ki vama agi humuma. Ni vama agi nga ngagi ki na ba, Alona mba mi ngagi ki mi.

Wana ni Zla d’a Djivi d’a Luc mi b’irita 23:34

Jesus mi dala: Abunu, ang vat hurung ngei kaziya, kayam azi we nga vama azi nga luma d’i. A b’rau baru mamba aduk taziya, a tumut gumara.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Wana ni Zla d’a Djivi d’a Luc mi b’irita 8:18

Agi gologi tagi djivi yam vama agi humugizina. Kayam sama lara pî ma nga ki va aboma, a mba hum kam kua, wani sama lara pî ma nga ki va abom mbuo na, a mba hle vama mam mi djib’er ala ni mama na woi abomu.

Wana ni Zla d’a Djivi d’a Luc mi b’irita 8:8

Ma dingâ mi nde kur andaga d’a djivid’a. Kid’a mi deîd’a, mi wula, mi tchuk yamu, mi le irâ kis. Kid’a nga mi de zla ndatid’a, mi dazi kua ala: Sama nga ki humba á humbina, ar mi huma.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 16:28

Wani Paul mi de ki delem akulo ala: Ang tchi tang ngi, ami pet nga ka hî.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.