Wana ni Zla d’a Djivi d’a Luc mi b’irita 6:25 - Bible azumeina

²⁵ Ni zla d’a hohoud’a kagi agi suma hobogi ki tchetchembina, kayam meid’a mba d’i tchagiya. Ni zla d’a hohoud’a kagi agi suma nga sanagi ki tchetchembina, kayam agi mba yorogi tagi ki tchina.

Wana ni Zla d’a Djivi d’a Luc mi b’irita 6:25 Iomraidhean Croise

Sawal la giled’a 49:19

Kid’a mi nga ki iramba, nga mi subur tamu, ata yima mi nga kur haheî mambina, suma a suburum mi.

Zla d’a d’ogolâ 14:13

Kur furîd’a wan pî dam hur ma wurana nga kua, dabid’a hi furîd’id’a dam hur ma b’laka nga kua mi.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Ma tchi wala 2:2

An de yam sanda ala ni sun nda lilid’a; an de yam furîd’a ala an fe ni me kua ge?

Ma tchi wala 7:3

B’lak hurâ mi kal sanda. Kayam le irang tchuk susub’ok pî, hurung ndak á le furîd’a.

Ma tchi wala 7:6

Sanda hi sama lilid’id’a ti ni d’igi aweid’a ti mun ad’u deina na. Wana ni sunda hawa yaka d’ei.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Isai 8:21

A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Wana ni Zla d’a Djivi d’a Luc mi b’irita 13:28

Agi mba tchigiya, agi mba mud’ugi siyagi ata yima agi mba wagi Abraham azi ki Isak ki Jakob ki suma djok vun Alona pet suma a nga kur leud’a hAlonid’ina, wani agi tagid’a a mba tchugugi woi abua.

Wana ni Zla d’a Djivi d’a Luc mi b’irita 6:24

Wani ni zla d’a hohoud’a kagi agi suma ndjondjoîna, kayam agi fagi wa djivi magid’a da’.

Wana ni Zla d’a Djivi d’a Luc mi b’irita 6:26

Le suma pet a nga yorogiya ni, ni zla d’a hohoud’a kagiya, kayam abuyozi ngolo a le ki suma djok vun suma ka zlad’a adjeuna nina mi.

Wana ni Zla d’a Djivi d’a Luc mi b’irita 8:53

Azi nde lazamu, kayam azi we ti mit da’.

Efes-sâ 5:4

Wani zla d’a zulona ki sun nda lilid’a ki zla d’a tchibeta, ar agi yazi simiyêzi d’uo mi, wani vama kalâ, kur tchen magid’a, agi lagi ni mersi mAlona.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Jacques 4:9

Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.

Vama ndum mbeina 3:17

Ang nga dala: An ni sama ndjondjoîna, an nga kahlena pet, va kid’agan nga d’i. Wani ang we nga d’ala angî sama amangeî ma hawa ya’â angî ma houd’a angî ma gandilad’a angî ma duka mi d’a d’uo!

1 Samuel 2:5

Suma a hopma a nga hal sunda á fe te mazina, wani suma meid’a nga d’i tchazina va ndolozi nga ki sunda d’i, a nga tuk taziya. Atcha d’a gendreged’a nga d’i vut yat kid’iziya, wani d’a vut grona ablaud’id’a, ti ka bei vuta.