Wana ni Zla d’a Djivi d’a Luc mi b’irita 6:21 - Bible azumeina

²¹ Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Wana ni Zla d’a Djivi d’a Luc mi b’irita 6:21 Iomraidhean Croise

Ad’u Tinda 17:17

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

Ad’u Tinda 21:6

Sara ti dala: Alona mi han vama sanda. Nge nge pî ma huma mba mi san yam zla manda.

Sawal la giled’a 107:9

Mi he mbiyo ma tched’a mi sama vunam sona, sama meid’a tchuma mi hobom hayam mi.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Sawal la giled’a 143:6

An yo abon akulo avorong á tchenengû, an nga ni hat hurun kang d’igi andaga d’a sod’a nga d’i hat hurut yam mbina na. Tchol ndjö

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Isai 66:10

Agi pet suma a lagi katna, agi lagi furîd’a ki Jerusalem, agi mbud’ut ni vama agi lagi furîd’a kama. Agi pet suma nga yorogi tagi katna, agi lagi furîd’a ki sed’et mi.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 31:25

Kayam an mba ni had’enga mi suma a seîna, an mba ni hop suma a nga lá matnina mi.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Wana ni Zla d’a Djivi d’a Luc mi b’irita 1:53

Mi hop suma meid’a tchazina kahle suma djivina, mi dik suma ndjondjoîna woi kabozi hawa.

Wana ni Zla d’a Djivi d’a Luc mi b’irita 6:20

Jesus mi gol mam suma hata, mi dazi ala: Agi suma houd’a, agi lagi furîd’a kayam leud’a hAlonid’a ni magid’a.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Wana ni Zla d’a Djivi d’a Luc mi b’irita 6:25

Ni zla d’a hohoud’a kagi agi suma hobogi ki tchetchembina, kayam meid’a mba d’i tchagiya. Ni zla d’a hohoud’a kagi agi suma nga sanagi ki tchetchembina, kayam agi mba yorogi tagi ki tchina.

Jean 11:35

Jesus mi tchiya.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

1 Korente-na 4:11

Gak ini, ami nga fami ndaka abo meid’a ki vun ma sod’a. Ami nga fami baru ma tchuk ki, a nga tomiya. Aziyami nga d’i, ami nga tchami tata.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Vama ndum mbeina 7:16

Meid’a d’oze vun ma sod’a mba mi lazi d’i, afata d’oze zumal la huwaka mba d’i lazi d’uo mi.