Wana ni Zla d’a Djivi d’a Luc mi b’irita 5:35 - Bible azumeina

³⁵ Wani burâ nga mi mba, a mba hle sala tela woi adigaziya. Kur bur máma a mba d’el tazi bei te tena.

Wana ni Zla d’a Djivi d’a Luc mi b’irita 5:35 Iomraidhean Croise

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 9:15

Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Marik 2:20

Wani burâ nga mi mba, a mba hle Sala tela woi adigaziya. Kur bur máma a mba d’el tazi bei te tena tua.

Wana ni Zla d’a Djivi d’a Luc mi b’irita 17:22

Jesus mi de mi suma hata ala: Bur máma mba mi mba ata yima agi min á we burâ tu hi an Gor Sanina, wani agi mba wum mbi.

Wana ni Zla d’a Djivi d’a Luc mi b’irita 5:34

Jesus mi dazi ala: Agi ndak á d’elegi suma sala tela mi yazi yam tenina kid’a mi nga ki sed’ezi tua d’a zu? Nga na d’i.

Wana ni Zla d’a Djivi d’a Luc mi b’irita 5:36

Jesus mi dazi zla d’a d’ogola ala: Sa nga mi haû vun baru d’a awilid’a, mi dubut ata baru d’a adjeud’a d’i. Le mi le na ni, ndat mba d’i haû d’a awilid’a woyo, vun baru d’a awilid’a nga d’i zlap ki d’a adjeud’a d’i.

Jean 12:8

Kayam agi nga ki suma houd’a teteu, wani an nga ki sed’egi teteu d’i.

Jean 13:33

Grona, an nga ki sed’egi tua ndjö. Agi mba halanu, wani d’igi an de mi Juif-fâ na ala: Yima an i kuana, agi ndak á igi kua d’i, ki tchetchemba an nga ni dagi hina mi.

Jean 16:28

An tcholï ni gen Abunu, ni mba kur duniyad’a ka hî. Ki tchetchemba, an nga ni ar duniyad’a, an nga ni i gevemu.

Sunda hi suma a sunuzinid’a 1:9

Bugol la mi de zla ndata dad’a, Alona mi hlum sä akulo. Kid’a azi nga golom tua d’a, d’ugula vid’im iraziya.

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

Sunda hi suma a sunuzinid’a 3:21

Djivid’a mam kak sä akulo gak Alona mi tin ahlena pet suma mi dazi avun mam suma djok vun suma mam tinizi irazi vazi avok deina ata yazi tua.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.