Wana ni Zla d’a Djivi d’a Luc mi b’irita 24:50 - Bible azumeina

⁵⁰ Bugola, Jesus mi i ki sum mama woi bugol azina gak go ki Betani, mi yo abom akulo, mi b’e vunam kaziya.

Wana ni Zla d’a Djivi d’a Luc mi b’irita 24:50 Iomraidhean Croise

Ad’u Tinda 27:4

ang lan te ma djivi ma hurun vum heîna, ang mbandjïya; an te, an b’e vunan kang tua ba, an ni mid’a.

Ad’u Tinda 48:9

Josef mi hulong dum ala: Ni gron suma Alona mi handji ka hina. Israel mi dum ala: An nga ni tchenengû, ang mbeyendjï go, an b’e vunan kaziya.

Ad’u Tinda 49:28

Wana nandjafâ hi Israel ma dogo yam mbàna, wana ni zla d’a abuzi mi dazizid’a. Abuzi mi b’e vunam kazi tutu pet, nge nge pî, mi b’e vunam kamu.

Sunda hi suma hi Levi-nid’a 9:22

Kid’a Aron abom dap he vama ngat buzu ma zlup yam tchod’a ki ma ngala ki ma zlap darigïd’a dapma, mi yo abom akulo yam suma, mi b’e vunam kaziya. Bugola, mi tchugï asem kä woi yam yima ngal ahle suma ngat buzuna.

Matiye 21:17

Mi araziya, mi nde woi kur azì ma ngolâ, mi i Betani, mi bur sä kua.

Marik 10:16

Wani mi yozi akulo ahlabamu, mi tin abom kaziya, hina mi b’e vunam kazi mi.

Marik 11:1

Kid’a azi mba go ki Jerusalem ki Betfage ki Betani avun ahina d’a Olif-fid’a, Jesus mi sun mam suma hata mbà,

Wana ni Zla d’a Djivi d’a Luc mi b’irita 24:51

Kid’a nga mi b’e vunam kazi tua d’a, mi wal ki sed’eziya, Alona mi hlum sä akulo.

Sunda hi suma a sunuzinid’a 1:12

Ata yi máma, mam suma a sunuzina a tcholï yam ahina d’a a yat ala Olif-fa, a hulong Jerusalem. Nahina d’a go ki Jerusalem-mba, adigazi ni d’igi kilometred’a tu na.

Sunda hi suma a sunuzinid’a 1:9

Bugol la mi de zla ndata dad’a, Alona mi hlum sä akulo. Kid’a azi nga golom tua d’a, d’ugula vid’im iraziya.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

Josue 22:6

Ata yi máma Josue mi b’e vunam kaziya, mi tchuguziya; a i ata yazi ma kaka.