Wana ni Zla d’a Djivi d’a Luc mi b’irita 24:32 - Bible azumeina

³² Azi de tazi ala: Kid’a nga mi de zlad’a ki sed’ei kur lovotid’a, ata yima nga mi ve ad’ud’a kur mbaktumba hAlonid’ina, tei lei djivid’a d’uo zu?

Wana ni Zla d’a Djivi d’a Luc mi b’irita 24:32 Iomraidhean Croise

Sawal la giled’a 104:34

Ar djib’er manda ti lang tang djivid’a. Ma didina, an min le furîd’a kangû.

Sawal la giled’a 39:3

Kayam ndata, an ka’î d’igi sama ndumîd’a na bei de zlad’a. Le an noî á de zla d’a djivid’a pî, pupuluk manda nga d’i i avogovogo.

Zla d’a d’ogolâ 27:17

Kaweina mi gurî ndram kaweina, sana mi zalî hur ndrama mi.

Zla d’a d’ogolâ 27:9

Mbulâ ki mbul ma his ma afufuîna, a nga le sana tam djivid’a; d’al ma banangâ mi dangzi ki hur ma tunina, mi lang tang djivid’a kal ma ang ngam kurung katang vangâ.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 23:29

Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Marik 4:34

Wani mi dazi nga zlad’a bei d’ogolâ d’i. Wani keng woi vam tu, mi ve mam suma hata ad’u ahlena pet suma mi had’azizina.

Wana ni Zla d’a Djivi d’a Luc mi b’irita 24:45

Ata yi máma, mi malazi djib’er mazid’a woi á wäd’u mbaktumba hAlonid’a.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Sunda hi suma a sunuzinid’a 28:23

Kid’a azi ngam burîd’a, suma ablaud’a a mba fum ata yima mam nga kaka kuana. Mi vazi ad’u zla ndata, mi lazi glangâsâ yam leud’a hAlonid’a, nga mi vazi ad’ud’a kur gata hi Moise-sa, kur mbaktumba hi suma djok vun Alonid’a yam Jesus. Mi tin ad’ud’a ki yorogod’a dei gak afata niga.

Hebre-na 4:12

Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a.