Wana ni Zla d’a Djivi d’a Luc mi b’irita 23:4 - Bible azumeina

⁴ Pilat mi de mi nglo suma ngat buzuna azi kablau suma ala: An fe nga zla yam sa máma d’i.

Wana ni Zla d’a Djivi d’a Luc mi b’irita 23:4 Iomraidhean Croise

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Marik 15:14

Pilat mi dazi ala: Mi le ni tcho me ge? Wani a er ad’uzi akulo kua ala: B’alam akulo ata aguna!

Wana ni Zla d’a Djivi d’a Luc mi b’irita 23:22

Pilat mi dazi kua yam á hindid’a ala: Ana ge? Mi le ni tcho me ge? An fe nga zla d’a ndak á tchid’id’a kam mbi. Kayam ndata, an nga ni tomu, ni gum akulo.

Jean 18:38

Pilat mi dum ala: Gagazid’a ni me ge? Kid’a Pilat mi de zla ndata dad’a, mi hulong ndabua, mi i gen Juif-fâ, mi dazi ala: An fe nga zla kam tu d’i.

Sunda hi suma a sunuzinid’a 25:25

Wani an fe nga vama ndak á tchid’ina kam mbi, wani mam tamba mi min ala a im ki sariya mamba avok Sesar. Kayam ndata, an nga hurun á sunum mi Sesar mi.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.