Wana ni Zla d’a Djivi d’a Luc mi b’irita 22:55 - Bible azumeina

⁵⁵ Ata yima azi vakud’a kä hur azina d’arâ, a kak kä avunad’u. Pierre mi nga adigazi mi.

Wana ni Zla d’a Djivi d’a Luc mi b’irita 22:55 Iomraidhean Croise

Sawal la giled’a 1:1

Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

Sawal la giled’a 28:3

Ang zlaban doglod’a ki suma asa’at suma a le sunda tchod’ina d’i. Azi ni suma a nga de zla d’a djivid’a mi ndrozina ki vunazina, wani huruzi ma krovona ni oîd’a kasa’ata.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Matiye 26:3

Ata yi máma, nglo suma ngat buzuna azi ki suma nglona hi Juif-fîna, a tok hur azina hi ma ngol ma ngat buzu ma a yum ala Kayif-fâ.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

Wana ni Zla d’a Djivi d’a Luc mi b’irita 22:56

Gor ra sunda ti wumu, mi nga kaka kä avun akud’a. Ti golom baba, ti dala: Sama wana mi nga ki sed’em mi.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.