Wana ni Zla d’a Djivi d’a Luc mi b’irita 22:42 - Bible azumeina

⁴² Mi dala: Abunu, le ang mina ni, ang hle kop ma ayî ma wana woi kanu, wani ang le nata min manda d’i, wani ang le nata min manga. [

Wana ni Zla d’a Djivi d’a Luc mi b’irita 22:42 Iomraidhean Croise

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 51:22

Gola! Salad’a Ma didina Alo mak ma nga mi ndjun yam sum mamina, mi dala: Gola! An nga ni hle kop ma süm ma mi vid’ik yak keina woi abogu. Ndak dok tche ayî man ma kur kopmina bugol luo d’a.

Jeremi 25:15

Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Matiye 11:26

Gagazi, Abunu, ang le hina ni min manga á lang tang djivid’a.

Matiye 20:22

Wani Jesus mi hulong dat ala: Agi wagi nga vama agi tchenema d’i. Agi ndagagi á tchagi kop ma kid’eî ir ma an mba ni tchuma zu? Azi hulong dum ala: Ami ndagamiya.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 26:42

Mi i yam á mbàd’a, mi tchen ala: Abunu, le kop ma wana ndak á kal lei kan bei an tchumu ni, ang le nata min manga.

Matiye 26:44

Mi hulong mi araziya, mi i tchen yam á hindid’a, mi de ni zla d’a avok ndata d’ei.

Matiye 6:10

Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Marik 14:36

Mi de kua ala: Aba, Abunu, ahlena pet, ang ndak á laziya, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Wana ni Zla d’a Djivi d’a Luc mi b’irita 23:34

Jesus mi dala: Abunu, ang vat hurung ngei kaziya, kayam azi we nga vama azi nga luma d’i. A b’rau baru mamba aduk taziya, a tumut gumara.

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 5:30

Jesus mi dazi kua ala: An nga kad’enga á le va yam tan ndi. D’igi an hum na, an nga ni ka sariyad’a hina mi. Sariya d’a an kata ni d’ingêr, kayam an nga ni le ni min manda d’i, wani an le ni minda hi mam Ma sununïna.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Sunda hi suma a sunuzinid’a 21:14

Ata yima ami ndagami á d’elem mbi, ami dami ala: Ar Salad’a mi le min mamba.