Wana ni Zla d’a Djivi d’a Luc mi b’irita 22:32 - Bible azumeina

³² wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Wana ni Zla d’a Djivi d’a Luc mi b’irita 22:32 Iomraidhean Croise

Matiye 18:3

Gagazi, an nga ni dagiya, le agi mbud’ugi nga tagi d’igi gogor ma wana hina d’uo ni, agi mba kalagi kur leu d’a akulod’a d’i.

Matiye 26:75

Pierre mi djib’er yam zla d’a Jesus dumzi ala: Avok bei ahle’â mi hela, ang mba tin vunang kan yang hindi ala ang wan nga d’uo d’a. Mi ndabua, mi tchi ngola.

Marik 14:72

Ata yi máma na wat, ahle’â mi hel hel la mbàd’a. Wani Pierre mi djib’er yam zla d’a Jesus mi dumzid’a ala: Bei ahle’â mi hel hel la mbàd’a, ang mba tin vunang kan yang hindi ala ang wan nga d’uo d’a. Kayam ndata, Pierre mi nde tchina.

Marik 16:7

Ki tchetchemba, agi i dagi mi mam suma hata zlapa ki Pierre ala: Nga mi iza avorogi Galile; agi mba wum sä hî d’igi mi dagi avok na.

Wana ni Zla d’a Djivi d’a Luc mi b’irita 8:13

Andjaf ma mi nde ata yima alakina ni suma a hum zlad’a, azi vat ki furîd’a, wani sidiyezi mi i nga kä ngol luo na. Azi he gagazid’a, a le burâ tcha. Ata yima kuka mbana, azi ar zlad’a hAlonid’a woyo.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

2 Timote 2:18

Azi ar zla d’a gagazid’a woyo, a nga dala tchola hi suma matnid’a kal wa da’, a nga mbut yam he gagazid’a hi suma dingîd’a kä.

Wana ni mbaktum mba Paul mi b’irit mi Tit-ta 1:1

Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

1 Pierre 1:1

Ni an Pierre ma a sunuma hi Jesus Christ-sâ. An nga ni sun mbaktum mba wanda mi agi suma Alona mi managi suma b’rawagi woi kur ambas sa Pong, Galat, Kapados, Asi ki d’a kur Bitini-d’ina.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.