Wana ni Zla d’a Djivi d’a Luc mi b’irita 18:24 - Bible azumeina

²⁴ Ata yima Jesus mi wum ala hurum zala na, mi dala: Nad’enga heî ki suma ndjondjoîna á kal kur leud’a hAlonid’a.

Wana ni Zla d’a Djivi d’a Luc mi b’irita 18:24 Iomraidhean Croise

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Zla d’a d’ogolâ 11:28

Sama deng tam yam ndjondjoî mambina, mba mi puk kä, wani suma d’ingêrâ a mba d’uf d’igi aguna mi d’uf na.

Zla d’a d’ogolâ 18:11

Fed’a hi sama ndjondjoînid’a ni d’igi azì ma ngol ma ad’eng ma ngunguna na, djib’er mamba ti ni d’igi gulumun ma fiyak ma mam ngei tam kua á kak ki halasina na.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Jeremi 5:5

Wani an mba ni i gen suma nglona, ni de zlad’a ki sed’eziya, kayam azi ni suma a we minda hi Ma didinid’a ki gata hAlo mazinid’a. Wani azi tazi pet ni hina mi, a kus djuk ma kelezina woyo, a but vun mazi ma djin ma a djinim kAlonina woi mi.

Marik 6:26

Amulâ hurum b’lak ngola heî, wani mi fe lovota á d’elet tuo d’a, kayam gun nda mi gun tam avok suma mi yazï ata yima tenina.

Wana ni Zla d’a Djivi d’a Luc mi b’irita 18:23

Wani kid’a sa máma mi hum zla ndatid’a, hurum zal ngola, kayam mam mi sama ki ndjondjoîna heîna.