Wana ni Zla d’a Djivi d’a Luc mi b’irita 17:20 - Bible azumeina

²⁰ Ata yi máma, Fariziyêna a djop Jesus ala: Alona mba mi mba á te leu mamba ni mindja ge? Mi hulong dazi ala: Ata yima Alona mba mi mba á te leu mambina, ni pid’ak ala sa nga mi we d’i.

Wana ni Zla d’a Djivi d’a Luc mi b’irita 17:20 Iomraidhean Croise

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Wana ni Zla d’a Djivi d’a Luc mi b’irita 10:11

Gugum ma hur aziyagi ma ngol ma mi ve hur asemina pî ni, ami pogizi kagiya. Wani agi wagi woi ala Alona mi mba wa adigagi á te leu mamba.

Wana ni Zla d’a Djivi d’a Luc mi b’irita 14:1

Jesus mi kal avo hi ma ngolâ hi Fariziyênina kur bur ma sabatna á te tena. Suma a nga ata yi mámina a so irazi kamu.

Wana ni Zla d’a Djivi d’a Luc mi b’irita 16:16

Gata hi Moise-sa ki mbaktumba hi suma djok vun Alonid’a a ei nadjeu dei gak mba kur atchogoid’a hi Jean ma le suma batembid’a. Tin ad’ud’a kur bur máma dei gak suma a nga tchi wal Zla d’a Djivid’a yam leud’a hAlonid’a. Nge nge pî nga mi b’at tam kad’enga á kal kua.

Wana ni Zla d’a Djivi d’a Luc mi b’irita 19:11

Jesus mi de zla d’a d’ogola kua mi suma a mba á hum zla ndatina. Azi djib’er ala Alona nga mi mba ni ka tchetchem á te leu mamba, kayam mam mi go ki Jerusalem.

Jean 18:36

Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.