Wana ni Zla d’a Djivi d’a Luc mi b’irita 17:16 - Bible azumeina

¹⁶ Mi ge tam kä avok Jesus, mi lum mersi. Sa máma ni sama Samari-na.

Wana ni Zla d’a Djivi d’a Luc mi b’irita 17:16 Iomraidhean Croise

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

Matiye 10:5

Jesus mi sun suma dogo yam mbà ndazina, mi hazi vuna, mi dazi ala: Agi igi aduk andjaf suma dingâ d’i, agi kalagi kur azì ma nglo ma Samari-na d’uo mi.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Marik 5:33

Wani atcha ndata ti le mandarâ, nga d’i zlak mi, kayam ti we vama le atatna. Ti mba, ti ge tat kä avoromu, ti dum ahlena pet suma a latna.

Wana ni Zla d’a Djivi d’a Luc mi b’irita 17:17

Jesus mi dala: Suma libi mazina mi yak keina a ni dogo d’uo zu? Wani suma zlengîna a ni lara ge?

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Jean 4:9

Atcha d’a Samari ndata ti dum ala: Ang ma Juif-fâ, ni nana ba, ang tchenen an atcha d’a Samari-d’a mbiyo ma tched’a ge? Kayam Juif-fâ a nga zlap ki suma Samari-na d’i.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 8:48

Juif-fâ a hulong dum ala: Zla d’a ami dat ala: Angî ma Samari-na, ang nga ki muzuk ma tchona kurungû d’a, ni zla d’a gagazid’a d’uo zu?

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

1 Korente-na 14:25

Djib’er ra nga ngeid’a kurumba mba d’i nde woi pid’agï. Ata yi máma, mba mi ge tam kä, mba mi kud’or Alona, mba mi dala: Gagazi, Alona mi nga adigagiya.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 4:10

ata yi máma na wat, suma nglo suma dok mbà yam fid’ina a grif kä avok mam ma nga kaka yam zlam mba amulina, a kud’or mam ma nga karid’a gak didina. A tchuk avaval mazid’a kä avok zlam mba amula, a dala:

Vama ndum mbeina 5:14

Ahle suma ari suma fid’ina a dala: Amin! Suma nglona a grif kä, a kud’urom mi.