Wana ni Zla d’a Djivi d’a Luc mi b’irita 16:23 - Bible azumeina

²³ Nga mi fe ndaka ata yima azuleina. Mi hle iram akulo, mi we Abraham sä woi hina dei, Lazar sä gevem mi.

Wana ni Zla d’a Djivi d’a Luc mi b’irita 16:23 Iomraidhean Croise

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Sawal la giled’a 49:15

Azi ni d’igi ades tumiyô suma a izi á ngad’azina na; matna mba mi te kaziya, ar go suma d’ingêrâ a mba mired’ezi kä kaseziya. Djif mazina mba mi kal leyo, yima azuleina mba mi mbut ni yi mazi ma kaka.

Sawal la giled’a 86:13

Kayam o mang nga didin nda ang lat kanda, ti kal ngola heî; kayam ang prud’un ndei ata yima azuleina mi.

Sawal la giled’a 9:17

Ma didina mi tak tam mbeyo, mi ka sariya d’a d’ingêra; sama asa’atna nga mi ve tam ki dau ma mam tam gunuma. Tchol ndjö

Zla d’a d’ogolâ 15:24

Sama wad’ud’a mi hle ni lovot ta ari d’a i akulod’a á sut tam mbei ata yima azulei ma nga ad’u kä na.

Zla d’a d’ogolâ 5:5

Aset mi i ni yima matna, aset ma tita mi i ni kä azulei mbeî.

Zla d’a d’ogolâ 7:27

Aziyat ni lovot ta i ata yima azuleinid’a, ni lovot ta i avo hi matnid’a mi.

Zla d’a d’ogolâ 9:18

Mi we nga d’ala yi máma ni yima matna d’a d’i, mi we nga d’ala suma ti yazina a nga ni kur yima azuleina d’a d’uo mi.

Isai 14:15

Wani a zud’ung wa kä ata yima azuleina ad’u zula ad’ut ta dabi d’a yiyika.

Isai 14:9

Yima azuleina mi yir gak mi i kä ata ad’um mba dabid’a á d’ugulong kur mba manga, mi zlit suma azuleina avorong akulo zlapa ki suma nglo suma yam andagad’a adjeuna, mi tchol amuleina handjaf suma adjeuna akulo woi yam zlumiyô mazi suma amula pet mi.

Matiye 11:23

Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo. Kayam an ladjï le sun nda ndandala aduk suma Sodom-ma d’igi an lat adigagi na ni, Sodom mbi nga gak ini tua.

Matiye 18:9

Le irang nga d’i ing kur tchod’a ni, ang pad’at gat tei dei. Djivid’a kal la ang kal kur arid’a ki irang tud’a kala a mba gang aduk aku d’a Jahanama ki irang djaka.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Matiye 5:29

Le irang nga ndjufa nga d’i ing kur tchod’a ni, ang pad’at gat tei dei. Djivid’a kang tala ir hliwing ma tuna mi b’lak keyo, kal la a gang aduk Jahanama ki tang ped’u.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Wana ni Zla d’a Djivi d’a Luc mi b’irita 16:24

Mi nde mi tchiya, mi dala: Abun Abraham, ang wan hohowonu, ang sunï Lazar, kayam mi nik yam tchitchid’am aduk mbina, mi b’lengên ki sinanu, kayam an nga ni fe ndaka aduk akud’a heî.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Wana ni Zla d’a Djivi d’a Luc mi b’irita 8:28

Ata yima mi we Jesus-na, mi er ad’um akulo, mi ge tam kä avoromu, mi dum ki delem mba ngola ala: Vama mi ndolong ki an ni me ge? Jesus Alo ma sä akulo ma kal teglesâ Goroma, an nga ni tchenengû, ang lan ndaka d’i.

1 Korente-na 15:55

Ang matna, ayî mang ma kusa mi nga ni lara ge? Ang matna, ad’engêng ti nga ni lara ge?

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.