Wana ni Zla d’a Djivi d’a Luc mi b’irita 16:20 - Bible azumeina

²⁰ Ma ding ma houd’a nga, simiyêm ala Lazar, tam pet ni mbuleina. Mi nga bur kä avun azina hi sama ndjondjoî máma.

Wana ni Zla d’a Djivi d’a Luc mi b’irita 16:20 Iomraidhean Croise

Wana ni mbaktumba hi Job-pa 2:7

Ata yi máma Seitan mi nde woi avok Ma didina. Mi zak Job ki tugud’ei d’a tchod’a mbuleina ei hur asem kä dei gak i adumar yam akulo.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Sawal la giled’a 73:14

Kur burâ pet Alona nga mi tonu, kur burâ kaf nga mi ngobon mi.

Isai 1:6

Tin ad’ud’a kä ata asema dei gak i akulo ata yamba, vama djivi nga d’i, ni mbilâ vam tu ki zlita ki mbil ma ngadja’eî ma bei sana mi mbuzum mbei d’oze mi vom mbulâ iram mboze mi djinim ba na.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Matiye 26:71

Kid’a mi nde woi á i avun agre’îd’a, wei d’a dinga ti wumu. Ti de mi suma a nga ata yi mámina ala: Sama wana ni ki Jesus ma Nazarat-na mi.

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.

Wana ni Zla d’a Djivi d’a Luc mi b’irita 16:21

Mi min á te bubuk te ma nga mi yak kä ad’u tabulâ hi sama ndjondjoînina. Adureina pî a mba a trâm mbilimu.

Jean 11:1

Sana tu, simiyêm ala Lazar mi nga tugud’eid’a. Mi ni kur azì ma Betani-na zlapa ki b’oziyom suma aropma Marie azi ki Marta.

Sunda hi suma a sunuzinid’a 3:2

Wani sana nga, ni ma a vud’um ki gugutud’ina, a nga hlum a tinim kä avun gong nga kud’ora hAlonid’a teteu go ki vun agrek ma a yum ala Vun agrek ma djifâ na, kayam mi tchen he d’a hawad’a abo suma a nga kal kurutna.

Jacques 1:9

Ar wiyei ma houd’a mi subur tam yam hle d’a Alona mi hlum yam akulod’a.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.