Wana ni Zla d’a Djivi d’a Luc mi b’irita 15:28 - Bible azumeina

²⁸ Wani gor ma ngolâ mi mbut ayîna, mi min kal avo d’i. Kayam ndata, abum ndeya, mi tchenemu.

Wana ni Zla d’a Djivi d’a Luc mi b’irita 15:28 Iomraidhean Croise

Isai 65:5

Ni suma a nga dala: Ang huttcha woi hina dei, ang hud’ï go gevemi d’i, kayam ami kalang ki yed’eta na. Suma hina na a ni d’igi andos ma mi tchuk atchinana na, a ni d’igi aku d’a nga d’i ngal burâ ki burîd’a na mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Jeremi 35:16

Gagazi, Jonadap groma Rekap grom ngolona a ge yazi kä ad’u vun ma he ma abuzi mi hazizina, wani agi nga humun ndi.

Jonas 4:9

Alona mi de mi Jonas ala: Hur mang ma zal ma yam terer ndatina nata yat tchu? Jonas mi hulong dum ala: Nata yad’u! An zal hurun gak matna!

Matiye 20:11

Ata yima azi ve beged’ina, a nde guroî yam samazina.

Marik 1:40

Sama libina mi mba gen Jesus, mi grif kä avoromu, mi tchenem ki labiyad’a, mi dum ala: Le ang mina ni, ang ndak á yagan ndeyo.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 15:2

Fariziyêna azi ki suma hat gata a nga gureî ala: Sa máma mi yo suma tchona, mi nga mi te ki sed’eziya.

Wana ni Zla d’a Djivi d’a Luc mi b’irita 15:27

Azong máma mi dum ala: Wiyengâ mi hulongî wa, abung mi tchi gor amuhl ma d’orâ, kayam mam fum ki lafiya.

Wana ni Zla d’a Djivi d’a Luc mi b’irita 15:29

Wani mi de mabum ala: Gola! An le sunda ki sed’eng bizad’a ablaud’a bei ni tchila yam gat manga, wani ang han nga gor ahuna yang tu tala an le furîd’a ki buniyôna d’a d’i.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Wana ni Zla d’a Djivi d’a Luc mi b’irita 5:30

Fariziyêna azi ki mazi suma hat gata, a nga kud’os mam suma hata ala: Ni kayam me ba, agi tagi tchagi ki suma ve lombod’a azi ki suma tchona ge?

Wana ni Zla d’a Djivi d’a Luc mi b’irita 7:39

Kid’a Fariziyê ma yum yam tenina mi we hina d’a, mi de kurum ala: Sa máma ladjï ni ma djok vun Alona gagaziya ni, mi we wa atcha d’a domba, mi wat wa tit mata, kayam ndat natcha d’a tchod’a.

Sunda hi suma a sunuzinid’a 13:45

Wani kid’a Juif-fâ a wablau sumid’a, a le yungôra, a nga tchi tuguyod’a ki zla d’a Paul mi data, a nga lazad’u.

Sunda hi suma a sunuzinid’a 13:50

Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:2

Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.

Romê-na 10:19

An nga ni djop kua ala: Na ni Israel-lâ a we nga ad’u zla ndata d’uo zu? Avok Moise mi dala: Alona mi dala: An mba ni tinigi á le yungôra yam suma ala nandjaf ma gagazina d’uo na, an mba ni zud’ugi á layîna yam andjaf ma bei wed’a mi.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

1 Samuel 17:28

Wani wiyem ma ngolâ Eliyap mi hum David nga mi yo siretna ki sed’eziya, hurum zal ata David, mi dum ala: Ni kayam me ba, ang mba ka hî ge? Ang arza tumiyô mang suma ngiyeûna abagei ni mi nge ge? An we yam mang nga ad’eng ndata, ki djib’er mang nga tcho ndata; ang mba ka hî ná gol ayîna hawa na.

1 Samuel 18:8

Saul hurum zal ngola, zla ndata lum nga tam djivi d’i, mi dala: A he David dudubud’a dogo, a han an tanda ni dubu wü d’a; amul la ted’a ar avorom ihî ni ndad’u.