Wana ni Zla d’a Djivi d’a Luc mi b’irita 15:10 - Bible azumeina

¹⁰ Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni Zla d’a Djivi d’a Luc mi b’irita 15:10 Iomraidhean Croise

Ezekiyel 18:23

Salad’a Ma didina mi dala: Na ni an min ala ma asa’atna mi mid’a zu? An min ala mi djok tit mamba mi kak karid’a.

Ezekiyel 18:32

Tan nga d’i lan djivid’a yam matna hi sanina d’i. Agi mbud’ugi hurugiya, agi kagagi karid’a. Ni an Salad’a Ma didina ba, ni de na.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Matiye 10:32

Jesus mi had’azi kua ala: Kayam ndata, sama lara ma mi dan zlan ndei avok sumina, an mba ni dum zlam mbei avok Abun ma sä akulona mi.

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

Matiye 18:14

Kayam ndata, Abugi ma sä akulona mi min ala ma tu ma aduk gugurei suma wana mi ba woi d’i.

Wana ni Zla d’a Djivi d’a Luc mi b’irita 12:8

Jesus mi had’azi kua ala: An nga ni dagiya, nge nge pî ma mi dan zlan ndei avok sumina, an Gor Sana mba ni dum zlam mbei avok malaikana hAlonina mi.

Wana ni Zla d’a Djivi d’a Luc mi b’irita 12:9

Wani sama mi tin vunam kan avok sumina, an Gor Sana mba ni tin vunan kam avok malaikana hAlonina ala an wum nga d’uo mi.

Wana ni Zla d’a Djivi d’a Luc mi b’irita 13:5

An nga ni dagiya, nga na d’i. Wani le agi mbud’ugi nga hurugi yam tcho magid’a d’uo ni, agi mba bogi ni d’igi azi na mi.

Wana ni Zla d’a Djivi d’a Luc mi b’irita 15:11

Jesus mi had’azi kua ala: Sana tu mi nga ki grona mbà.

Wana ni Zla d’a Djivi d’a Luc mi b’irita 15:7

An nga ni dagiya, hina mi, a mba le furîd’a sä akulo yam sama tu ma tcho ma mi mbut hurum yam tcho mambina kal suma dok zlengâ yam zlengâ suma d’ingêr suma a min mbut huruzi yam tcho mazid’a d’uo na.

Wana ni Zla d’a Djivi d’a Luc mi b’irita 15:9

Ata yima ti fatna, ti yi buniyôtna ki ndrotna, ti dazi ala: Agi mbeyegïya! Agi lagi furîd’a zlapa ki sed’enu, kayam an fe wa sile man nda vit teid’a da’.

Wana ni Zla d’a Djivi d’a Luc mi b’irita 7:47

Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 5:19

Wani malaikana hi Salad’ina mi mba andjege, mi mal vun gong nga dangeina woyo. Mi buzuguzi woi abua, mi dazi ala:

2 Korente-na 7:10

Kayam zal hur ma tcholï ata Alonina nga mi mbut sana hurum á fe suta. Sut ndata, zal hurâ mi nga kua d’i, wani zal hurâ hi duniyad’ina mi ingî kur matna.

Filemon 1:15

Dam mi wal ki sed’eng ndjö ná mbut mangâ fafat kla.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?