Wana ni Zla d’a Djivi d’a Luc mi b’irita 14:11 - Bible azumeina

¹¹ Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 14:11 Iomraidhean Croise

2 Samuel 22:28

Ang tanga nga sut suma a nga kur hohoud’ina, wani ang nga hulong suma a hle yazi akulona yazi kä.

Ester 6:10

Amulâ mi de mi Haman ala: Ang i ka tchetchem, ang yo baruna, ang vakuluma d’igi ang de ka hî na, ang le ki Mardose ma Juif ma nga kaka kä avun azinina hina tchutchugot; ahle suma ang kuzizi wana, ang ar va woi tu d’i.

Wana ni mbaktumba hi Job-pa 22:29

Kayam Alona nga mi b’lak nga hurâ hi sama yam mba ad’engina woyo, wani nga mi ndjun sama mi ge yam kä lulumana.

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Sawal la giled’a 18:27

Sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

Zla d’a d’ogolâ 15:33

Le mandara Ma didina hat ni ned’a, ge yam mba kä d’a avok tua ba, subura mba ni bugolo.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Zla d’a d’ogolâ 25:27

Nga djivid’a ang tayuma ngola d’i, ang hal subur ra ngola d’uo mi.

Zla d’a d’ogolâ 29:23

Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Matiye 23:12

Sama mi hle yam akulona, a mba hulongôm yam kä, sama mi ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 1:51

Mi tak sun nda ad’eng nga mi lat kabomba woyo, mi ndjoî suma a nga ki djib’er ra yam mba ad’enga kuruzina woi yayak.

Wana ni Zla d’a Djivi d’a Luc mi b’irita 1:52

Mi zut suma te yamba kä woi yam zlumiyô mazina, mi hle yam suma lulumana akulo mi.

Wana ni Zla d’a Djivi d’a Luc mi b’irita 14:12

Jesus mi de mi sama mi yum yam tenina ala: Ata yima ang le te ma faleina, d’oze ma fladegenina, ar ang yi ni buniyôngâ d’oze b’oziyongâ d’oze simiyêng ngoze ndrong suma ndjondjoîna d’i, dam azi mba yang avin balum te mangâ kla.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Jacques 1:9

Ar wiyei ma houd’a mi subur tam yam hle d’a Alona mi hlum yam akulod’a.

Jacques 4:10

Agi gagi yagi kä avok Salad’a, mam mba mi hlagi yagi akulo.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 5:6

Kayam ndata, agi gagi yagi kä ad’u abo ma ad’enga hAlonina, kayam mam mba mi hlagi yagi akulo ata yima mi ngama.

1 Samuel 15:17

Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu?