Wana ni Zla d’a Djivi d’a Luc mi b’irita 13:33 - Bible azumeina

³³ Wani an nga ni tit ini, avini ki fat ta siyad’a, kayam ma djok vun Alona ndak á mit ata yima ding ngi, mbeî mi mit ni kur Jerusalem.

Wana ni Zla d’a Djivi d’a Luc mi b’irita 13:33 Iomraidhean Croise

Matiye 20:18

Gola! Ei nga tubi kur Jerusalem. Suma a mba han an Gor Sana abo nglo suma ngat buzuna azi ki suma hat gata. A mba kan sariya d’a matna kanu.

Matiye 21:11

Ablau suma a hulong dazi ala: Ni Jesus ma Nazarat ma djok vun Alona ma tcholï yam andaga d’a Galile-d’ina.

Wana ni Zla d’a Djivi d’a Luc mi b’irita 9:53

Wani suma kur azì mámina a vum nga atazi d’i, kayam mi so iram á i Jerusalem.

Jean 11:54

Kayam ndata, Jesus mi dok tit nga aduk Juif-fâ pid’ak kuo d’a, mi tchol ata yi máma, mi i kur ambas sa go ki fulîd’a, mi kal kur azì ma ngol ma simiyêm ala Efraim-ma, mi kak sä kua ki mam suma hata.

Jean 11:9

Jesus mi hulong dazi ala: Lera nga dogo yam mbà kur afat ta tud’a d’uo zu? Le sana nga mi tit faleya ni, va nga mi dabam asem mbi, kayam me nga mi we b’od’a hi duniyad’id’a.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 13:27

Suma a nga kaka kur Jerusalem-ma ki mazi suma nglona a we nga Jesus d’i, a we nga zlad’a hi suma djok vun Alona d’a azi nga ndumut teteu kur bur ma sabatnid’a d’uo mi. Wani azi ndak vun sariya d’a a kamzi kamba.