Wana ni Zla d’a Djivi d’a Luc mi b’irita 13:14 - Bible azumeina

¹⁴ Ma ngolâ hi gong nga tokina, hurum zal yam Jesus kayam mi sut suma tugud’eid’a kur bur ma sabatna. Mi de mablau suma ala: Burâ karagaya nga, ndak yam suma á le sun mazid’a. Agi mbagi kur bur máma kayam mi sud’ugi woi kur tugud’ei magid’a. Wani agi mbagi kur bur ma sabatna d’i.

Wana ni Zla d’a Djivi d’a Luc mi b’irita 13:14 Iomraidhean Croise

Buzuk ka Abud’a 20:9

Ar ang le sun manga gak burâ karagaya, ar ang dap sun manga kua pet.

Buzuk ka Abud’a 23:12

Agi lagi sunda burâ karagaya, wani kur bur ma kid’iziyana agi tugugi tagiya, kayam amuzlei magina ki koro magina a tuk taziya, kayam yugunei magina grozina kangoyogei suma adigagina a tuk tazi mi.

Ezekiyel 20:12

An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Ezekiyel 34:21

Kayam agi ndjazlagi tumiyô suma amangeîna ki fefed’egi ki hîhîngâgi kadivigi gak agi ndjoyôzi woi avo,

Sunda hi suma hi Levi-nid’a 23:3

Agi mba lagi sunda burâ karagaya, wani bur ma kid’iziyana ni bur ma sabat ma tuk tad’a. Agi togogi tok ka a tinit irat vata. Ata yima lara ma agi mba kagagi kuana, agi lagi sunda kur bur máma d’i, kayam ni bur ma sabatna hi an Ma didinina.

Matiye 12:2

Wani kid’a Fariziyêna a wazid’a, a de mi Jesus ala: Gola! Mang suma hata a nga le vama gat meid’a d’elei lovota kam á led’a kur bur ma sabatnina.

Marik 5:22

Sana tu aduk suma nglo suma a gol gong nga toka hi Juif-fîd’ina, simiyêm ala Jairus, mi mba, mi we Jesus, mi ge tam kä avoromu.

Wana ni Zla d’a Djivi d’a Luc mi b’irita 6:11

Huruzi zal ngola, a ndjak vunazi yam vama azi mba lum ki Jesus-na.

Wana ni Zla d’a Djivi d’a Luc mi b’irita 6:7

Suma hat gata azi ki Fariziyêna a so irazi yam Jesus ngolol á we na ni mi sut ini sama tugud’eid’a kur bur ma sabatna zu? Kayam azi nga hal lovota á vum ki zlad’a.

Wana ni Zla d’a Djivi d’a Luc mi b’irita 8:41

Sama dingâ simiyêm ala Jairus, ni ma ngolâ hi gong nga toka hi Juif-fîna, mi mba mi ge tam kä avok Jesus, mi tchenem ala mi i avo hatamu,

Sunda hi suma a sunuzinid’a 13:15

Bugol la a ndum mbaktum mba gata ki mbaktum mba suma djok vun Alona a b’irita ndumba, suma nglona hi gong nga toka hi Juif-fîd’a a sun ataziya, a dazi ala: B’oziyomina, le agi nga ki zlad’a á giget suma toka ni, agi dagiya.

Sunda hi suma a sunuzinid’a 18:17

Suma pet a ve Sosten ma ngolâ hi gong nga toka hi Juif-fîd’ina, a nga tom avok yima ka sariyad’a, wani Galiyon mi gol ahle ndazina ni hawa na.

Sunda hi suma a sunuzinid’a 18:8

Krispus ma ngolâ hi gong nga toka hi Juif-fîd’ina, mi he gagazid’a yam Salad’a ki suma avo hatama pet. Suma Korente-na ablaud’a suma a hum zlad’a hi Paul-lina a he gagazid’a, a lazi batemba mi.

Romê-na 10:2

Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a.

Gat ta a hat á mbàd’id’a 5:13

Ar ang le sun manga gak burâ karagaya, ar ang dap sun manga kua pet.