Wana ni Zla d’a Djivi d’a Luc mi b’irita 12:58 - Bible azumeina

⁵⁸ Ata yima ang nga i ki mang ma djangûna ata yima ka sariyad’ina, ar ang min zla ndata ki sed’em kid’a ang nga glovot tua d’a, dam mam mba mi hang abo ma ka sariyad’a, ma ka sariyad’a mba mi hang abo ma ngom dangeina, ma ngom dangeina mba mi gang dangeina kla.

Wana ni Zla d’a Djivi d’a Luc mi b’irita 12:58 Iomraidhean Croise

Wana ni mbaktumba hi Job-pa 22:21

Ang min zla manga kAlona, ang mba kak ki halasa. Ni hina ba, ang mba kak ki djivid’a mi.

Wana ni mbaktumba hi Job-pa 23:7

Sä hî ma d’ingêrâ mba mi de zlad’a ki sed’emu. Ni hina ba, an mba ni prut tei abo man ma ka sariyad’a ki iran fafat.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Sawal la giled’a 50:22

Agi suma maragi kana, agi wagi djiviya, le d’uo ni, an mba ni kizagagi woi kikizak bei sa mi prud’ugi woi abon ba.

Isai 55:6

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Matiye 18:30

Wani mi min ndi, mi i mi gum dangeina gak mi wurak bal mama.

2 Korente-na 6:2

Kayam Alona mi de kur mbaktum mamba ala: Ata yima suma manda nde woina, an humungû; kur bur ma suta an ndjunung mi. Gola! Ki tchetchemba, ni yima ir Alona djivid’ina; ini ni bur ma sana ndak á fe sutina.

1 Pierre 3:19

Kur muzuk máma, mi i tchi wala mi muzuk ma teteng ma nga kur dangeinina.

2 Pierre 1:15

Wani an nga ni b’at tan teteu á gagi humagiya, kayam le an mit pî, agi mba djib’eregi yam ahle ndazina bugolo.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

Vama ndum mbeina 20:7

Fata biza d’a dubud’a ndaka, a mba ge Seitan-na akulo woi kur dangei mama.