Wana ni Zla d’a Djivi d’a Luc mi b’irita 12:45 - Bible azumeina

⁴⁵ Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,

Wana ni Zla d’a Djivi d’a Luc mi b’irita 12:45 Iomraidhean Croise

Wana ni mbaktumba hi Job-pa 24:23

Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Jeremi 20:2

Ata yi máma mi to Jeremi, mi vum mi gum aleina asem avun agrek ma akulo nding ma Benjamin ma kur gong nga kud’ora hi Ma didinid’ina.

Ezekiyel 12:22

Ang gor sana, ni kayam me ba, agi nga dugud’ogi zla d’a de d’a d’ogol la wanda yam andaga d’a Israel-la ala: Yina mi kal ngola, wani vama nde tam mbei ir sanina mi le nga d’uo ge?

Ezekiyel 34:8

An Salad’a Ma didin ma bei matna ba na ni dala: Tumiyô mana a nga hurumuziya. Azi mbut ni vama vika hamburei suma abageina yam tchod’a hi suma polid’a. A nga djib’er yam timi man tu d’i, kayam azi polî azi tazid’a gogo, a nga pol tumiyô mana d’i.

Matiye 22:6

Suma hiuna a vik azungeî mama, a lazi ndaka, a tchaziya.

Wana ni Zla d’a Djivi d’a Luc mi b’irita 12:44

Gagazi, an nga ni dagiya, salama mba mi tinim yam ahle mama pet.

Wana ni Zla d’a Djivi d’a Luc mi b’irita 12:46

sala azong máma mba mi mba kur bur ma mam nga mi djubum mbuo na, ata yima mam we d’uo na mi. Salama mba mi tom ki blafâ ngola, mba mi wuragam ki suma batrangâ.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Jean 2:10

mi dum ala: Sama lara pî mi he ni suma süm ma djivina avok tua. Le azi tche a ndak wa tua ni, mi hazi ma abei ayîna tua. Wani ang ar ma djivina gak ki tchetchemba nana ge?

Sunda hi suma a sunuzinid’a 2:18

Gagazi, kur bur máma an mba ni vo Muzuk mana yam azungeî mana, yam yugunei mana mi, azi mba djogon vunanu.

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

Gat ta a hat á mbàd’id’a 12:12

Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.

1 Tasaloni’â 5:7

Kayam suma a nga burâ senina, a nga burâ sena nandjege. Suma a nga gurut ki sümina, a nga gurut nandjege mi.

2 Pierre 2:13

Wani Alona mba mi wuragazi ki ndak ka azi lat mi suma hiunid’a. A nga le furîd’a kur djib’er mazi d’a tchod’a falei d’ad’ar ata yima azi nga te te magina ki furîd’a ki lop ir mazid’ina. Azi ni vama zulona ki vama dap asema mi.

2 Pierre 2:19

Azi hlazi vuna á mbud’uzi gro vuta, wani azi tazid’a ni magumeina hahle suma izi kur b’lakina. Kayam vama kal yam sanina nga mi mbud’um magom mama.

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.

Vama ndum mbeina 18:24

A ka sariyad’a yam azì ma Babilon-na ni kayamba a tchi suma djok vun Alona azi ki suma hAlonina ki suma a tchazi yam andagad’a ka hina pet kurumba.