Wana ni Zla d’a Djivi d’a Luc mi b’irita 12:33 - Bible azumeina

³³ Agi guzugi ahle magina woyo, agi hazi he d’a hawad’a mi suma houd’a. Agi dubugi bid’im mba bei b’laka ba d’a, agi togogi ahle magina sä akulo ata yima bei b’laka, ata yima bei suma kula a tcha kua ba na, ata yima bei fotna b’lagazina.

Wana ni Zla d’a Djivi d’a Luc mi b’irita 12:33 Iomraidhean Croise

Zla d’a d’ogolâ 13:7

Suma dingâ a nga yi tazi ala azi ni suma ndjondjoîna, wani azi nga ki va d’i. Suma dingâ a nga yi tazi ala azi ni suma houd’a, wani azi ni suma ndjondjoîna!

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Matiye 19:21

Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Wana ni Zla d’a Djivi d’a Luc mi b’irita 12:21

Jesus mi de kua ala: Hina mi, sama nga mi tok ahlena kayam mam tambina, mi nga ki ndjondjoîd’a avok Alona d’i.

Wana ni Zla d’a Djivi d’a Luc mi b’irita 16:9

An nga ni dagiya, vagi banad’a ki ndjondjoî magid’a kur duniyad’a. Ata yima ti dapma, a mba vagi atazi kur azì ma didina.

Wana ni Zla d’a Djivi d’a Luc mi b’irita 18:22

Kid’a Jesus mi hum zla ndatid’a, mi dum ala: Ang kid’ak va tu. Ang gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï tit ad’unu.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Sunda hi suma a sunuzinid’a 2:45

Azi gus ahle suma avo hatazina woi beged’a, a b’rawat aduk tazi pet. Nge nge pî mi fe ndak yam min mamba.

2 Korente-na 8:2

Azi nga kur kuka ngola; hina pî, azi nga le furîd’a ngola. Azi ni suma houd’a pî, a he he d’a hawad’a ngola.