Wana ni Zla d’a Djivi d’a Luc mi b’irita 12:19 - Bible azumeina

¹⁹ An mba ni de mi tan ala: Ang nga kahlena ngola kur avureina á le bizad’a ablaud’a. Ang tuk tangû, ang te, ang tche, ang le furîd’a.

Wana ni Zla d’a Djivi d’a Luc mi b’irita 12:19 Iomraidhean Croise

Wana ni mbaktumba hi Job-pa 14:1

Job mi de kua ala: Sama atchad’a vud’uma, burumî akid’eid’a hina yegre, mi ni oîd’a ki ndaka mi.

Sawal la giled’a 49:18

Kayam me fata mba mi mita, nga mi i ki va abom mbi, ndjondjoî mamba nga i blogom mbuo mi.

Sawal la giled’a 62:10

Gagazi, suma pet a ni d’igi simet ma sana fom ki vunama na, suma pet ni suma ka zlad’a. Le a hlazi pet ni ki kilona ni, azi nafefeta kal simet ma sana fom ki vunama.

Zla d’a d’ogolâ 10:2

Ndjondjoî d’a a fat ki mbut irid’a zlat nga d’i, wani d’ingêra nga d’i prut sana woi avun matna.

Zla d’a d’ogolâ 14:24

Avavala hi suma ned’id’a ni ndjondjoî mazid’a, wani lilid’a hi suma bei wäd’u zlad’a ba na ti arî lilid’a ba ba.

Zla d’a d’ogolâ 18:11

Fed’a hi sama ndjondjoînid’a ni d’igi azì ma ngol ma ad’eng ma ngunguna na, djib’er mamba ti ni d’igi gulumun ma fiyak ma mam ngei tam kua á kak ki halasina na.

Zla d’a d’ogolâ 23:5

Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Zla d’a d’ogolâ 27:1

Ar ang subur tang yam vama lavina d’i, kayam ang we nga vama nga mi mba kur bur ma tunina d’i.

Ma tchi wala 2:24

Vama djivi ma yam sanina ni tala mi te, mi tche, mi le furîd’a yam sun mamba d’a. Wani an wala zla ndata ti tcholï nata Alona.

Isai 22:13

Wani agi nga ayâgiya, agi nga lagi furîd’a, agi nga tchagi amuzleina, agi nga tchagi aho’â, agi nga mud’ugi hliuna, agi nga tchagi süm guguzlud’a, agi nga dagi ala: Ei teya, ei tcheya, avin ei boya!

Isai 5:11

Ni zla d’a hohoud’a yam suma a buzuk yorogo tcholol á hal süm ma ayîna suma a hir ad’uzi kä avunam gak andjege dangâla a gurut tei ki sed’ema.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Wana ni mbaktumba hi Oze-d’a 12:8

Agi suma Efraim-ma, agi ni suma mbut abogina, kilo ma mbut ira mi nga abogiya, agi minigi ni mbut ir suma tu.

Amos 6:13

Agi nga lagi furîd’a yam ahle suma hawa ya’â, agi nga dagi ala: Ni kad’eng mamid’a ba, ami fami kad’enga yam ndrata kua wan nduo zu?

Habakuk 1:16

Kayam ndata, a nga ngat buzuna mabei mazina, a nga ngal dubang ma his djivid’ina mabei mazina á lum ad’umu. Kayam ni mam ba, nga mi vigizi kuluf ma djivi ma mbulâ; te mazina nga mi zul mi.

Wana ni Zla d’a Djivi d’a Luc mi b’irita 12:18

Mi de tam ala: An mba ni le na, mba ni to avurei mana woyo, mba ni min suma nglo suma kalâ, an mba ni tchuk awu mana kahligiyen pet kua.

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

1 Korente-na 15:32

Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

1 Timote 5:6

Wani atcha d’a modono d’a nga d’i tit yam min matid’a, le ti nga karid’a pî, ti ni matna.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Jacques 5:5

Agi kagagi wa yam andagad’a ka hî ki duzîd’a ki furîd’a kur d’od’oka hi hliwigid’a, agi d’orogi wa yam bur ma ngata.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

1 Samuel 30:16

Sa máma mi tin David ata yima azi nga kuana. Gol wani, suma Amale’â a b’rau nga woi ata yina teteng, a nga te, a nga tche, a nga le furîd’a kayam ahle suma nglo suma azi hurumzï kur ambas sa Filistê-d’a ki d’a Juda-d’ina.