Wana ni Zla d’a Djivi d’a Luc mi b’irita 1:8 - Bible azumeina

⁸ Kur bur máma Zakari nga mi le sun mam mba ngat buzuna avok Alona, kayam ni nguid’a hades mama á led’a

Wana ni Zla d’a Djivi d’a Luc mi b’irita 1:8 Iomraidhean Croise

1 Sunda Hamuleinid’a 24:19

Ni hina ba, a tinizi kur sun mazid’a á kal kur gong nga kud’ora hi Ma didinid’a d’igi gat ta Ma didina Alona hi Israel-lîna mi hat mabuzi ngolo Aron-nda na.

1 Sunda Hamuleinid’a 24:2

Nadap azi ki Abihu a bo avok abuzi bei a vut grona. Ni kayam ndata ba, Elazar azi ki Itamar a le sun nda ngat buzuna ni azi hol.

2 Sunda Hamuleinid’a 11:14

Suma hi Levi-na a ar yazi ma kaka kahle mazina woyo, a i yam andaga d’a Juda-d’a avo Jerusalem, kayam Jerobowam ki groma a d’elezi á le sun mazi d’a ngat buzuna mi Ma didina.

2 Sunda Hamuleinid’a 31:19

Yam suma ngat buzu suma hi Aron suma a nga kaka abagei kel kur azì mazi ma nglonina, kur azì ma ngol ma lara ge pî, a man suma ki simiyêzi á b’rau tena mi suma ngat buzuna ki suma hi Levi-na pet suma a ndumuzina.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

2 Sunda Hamuleinid’a 8:14

Mi tinizi d’igi abum David mi tin suma ngat buzuna adesâ teteng kur sun mazid’a na. Mi tin suma hi Levi-na kur sun mazid’a á gile Ma didina, á le sun mazid’a avok suma ngat buzuna d’igi a he vuna á lat burâ ki burâ na. Mi tin suma ngom vun agre’â a i avun agre’â ad’u ades mazina ad’u ades mazina d’igi David sana hAlonina mi he vuna na mi.

Esdras 6:18

A tin suma ngat buzuna ki suma hi Levi-na ad’u adezezi ad’u adezezi á le sunda hAlonid’a avo Jerusalem d’igi a b’ir kur gata hi Moise-sa na.

Buzuk ka Abud’a 28:1

Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

Buzuk ka Abud’a 28:41

Moise, ang tchugut ata wiyengâ Aron azi ki groma, ang vozi mbulâ kaziya, ang tinizi kur sunda, ang tinizi irazi vaziya. Hina wani, azi mba lan sun nda ngat buzuna.

Buzuk ka Abud’a 29:1

Ma didina mi de mi Moise kua ala: Wana ni vama ang mba lum á tinizi irazi vazi tala azi kak á lan sun nda ngat buzuna d’a: Ang vamuhl ma gorâ tu, ang yo gamlâ ma bei dakina mbà

Buzuk ka Abud’a 29:44

An mba ni mbut zlub’u d’a ngaf tad’a ki yima ngal ahle suma ngat buzuna nahle suma an tinizi irazi vazina, an mba ni mbut Aron azi ki groma ni suma an tinizi irazi vazina mi, kayam azi lan sun nda ngat buzuna.

Buzuk ka Abud’a 29:9

Ang d’ak Aron azi ki groma furuzi ki talina, ang d’ud’uzi kadamula kazi mi. Sun nda ngat buzuna ti arî mazid’a, ti arî gata kazi gak didin. Ni hina ba, ang tin Aron azi ki groma kur sun ndata.

Buzuk ka Abud’a 30:30

Ang vo mbulâ yam Aron azi ki groma, ang tinizi irazi vazi á lan sun nda ngat buzuna.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Wana ni Zla d’a Djivi d’a Luc mi b’irita 1:5

Kur atchogoi d’a Herot namul ma ngolâ yam ambas sa Jude-d’id’a, ma ngat buzuna mi nga, simiyêm ala Zakari. Mam nad’u ades ma ngat buzuna hi Abiya-na. Amamba simiyêt ala Elizabet. Ndat nad’u andjafâ hi Aron ma ngol ma ngat buzunina mi.

Wana ni Zla d’a Djivi d’a Luc mi b’irita 1:7

Wani azi vut nga gor ri, kayam Elizabet ti ni gendreged’a, azi djak a djeng mamara mi.